Жэпуэгъуэм и 19-м илъэси 155-рэ ирикъуащ Шыуанэ бгым и лъабжьэм щыс Коста Хетагуровэ жылагъуэр къызэрагъэщIрэ. Осетин литературэм и лъабжьэгъэтIылъ лIым и цIэр зезыхьэ щIыпIэр зэрыщытауэ — лъэпкъ щэнхабзэм и жьэгущхьэ хуабэу ноби къонэж.
Мыбдеж цIыху гъэщIэгъуэнхэр щопсэу, зи хабзэхэмрэ тхыдэмрэ сакъыу яхъумэу, къуэшыгъэмрэ зэкъуэтыныгъэмрэ фIыуэ хэлъыр щIэблэ-щIэблэкIэрэ зэIэпахыу. ИкIи Коста Хетагуровэ жылагъуэр тлъытэ хъунущ лIыхъужьхэмрэ зэчиифIэхэмрэ я кIыщу. Абы къыдэкIащ Совет Союзым и ЛIыхъужьищ, Социалистическэ ГуащIэдэкIым и ЛIыхъужь, Дуней псом, Урысей Федерацэм я чемпионхэр. Уеблэмэ мы жылагъуэр 2020 гъэм Урысейм и рекордхэм я Тхылъми ихуауэ щытащ абы цIыху бжыгъэу дэсым тещIыхьауэ лIыхъужьыцIэ зезыхьэ куэд зэриIэм папщIэ! Мис, ноби долъагъу хэкупсагъэм епха хабзэ дахэхэр къагъэлъагъуэу, Хэкум ифI яхъумэу Коста Хетагуровэ щыщ щIалэхэр, пщащэ хахуитI ягъусэу, зауэ операцэ хэхам псэемыблэжу зэрыхэтыр. «Къуажэдэс лъапIэхэ! Фи махуэщIымкIэ! Си гум къикIыу сывохъуэхъу фIыуэ щыIэр вгъуэту, фефIакIуэрэ фытхъэжу фыпсэуну! Фи жылагъуэр — псэбыдагъэм, лъэпкъ хабзэхэр, Хэкур лъытэным я щапхъэ нэсщ!», — щитхащ МАХ-м щиIэ напэкIуэцIым КъЧР-м и Iэтащхьэ Темрезов Рэшид.
Больше на Черкес хэку
Подпишитесь, чтобы получать последние записи по электронной почте.
