Къэрэшей-Черкес Республикэм и МВД-м иригъэкIуэкIа зэIущIэм къыщапщытэжащ 2025 гъэ лэжьыгъэр. ЗэIущIэм хэтащ КъЧР-м и Iэтащхьэ Темрезов Рэшид, республикэм и хабзэхъумэ къулыкъухэм я унафэщIхэр, республикэм и ФСБ-р, Прокуратурэр, МВД-м и къудамэхэр, къулыкъум и ветеранхэр.
УФ-м и Президент Путин Владимир МВД-м и къалэн нэхъыщхьэхэр игъэнэIуащ—жылагъуэм и шынагъуэншагъэр къызэгъэпэщын, цIыхубэм, лъэпкъхэм я хабзэ, щэнхабзэ фIыгъуэхэр хъумэн, зэпIэзэрытыныгъэм еныкъуэкъухэм япэщIэтын, ялэжь Iуэхухэр зэпыгъэун. «Лъэпкъ куэду зэхэт ди республикэмкIэ лъэпкъ зэгурыIуэныгъэр, экстремизмэм, терроризмэм пэщIэтыныр къалэн пажэхэм ящыщу къонэж. МВД-м и лэжьыгъэр къэпщытэжыныр, къэлъытэжыныр щыхьэт тохъуэ ирагъэкIуэкI лэжьыгъэфIым, абы адэкIи зэрыпащэнум», — соцсетхэм щитхащ КъЧР-м и Iэтащхьэм. Темрезов Рэшид къызэрыхигъэщащи, хабзэхъумэ къулыкъухэм нэхъри тегъэчынауэ лэжьыгъэр къызэрагъэпэщынымрэ жэуаплыгъэр нэхъри нэхъыбэу щытынымрэ илъэс кIуам къахуигъэува щытыкIэщ. СВО-р щекIуэкIым, полицэм къыхуэув къалэнхэр щIыхь пылъу егъэзащIэ
«Республикэм и хабзэ къулыкъу псоми, шынагъуэншагъэмкIэ къулыкъухэм, властым я лэжьыгъэм къыпэкIуэу, Къэрэшей-Черкес Республикэм жылагъуэ-политикэ зэпIэзэрытыныгъэр щыщыIэщ», — етх хэгъуэгум и Iэтащхьэм. 2025 гъэм республикэм щекIуэкIащ щэнхабзэ, спорт, хэкупсэ Iуэхугъуэ куэд. Ахэр теухуауэ щытащ ТекIуэныгъэ Иным и Илъэс 80-м, Хэкум и хъумакIуэм и Илъэсым. Республикэм щекIуэкIа Iуэхухэр псори къэхъукъащIэншэу тыншу зэблэкIащ, республикэм щыпсэухэм я зэхэщIыкIыныгъэ, хабзэхъумэ, власть къулыкъухэм я зэдэлэжьэныгъэфIым я фIыщIэкIэ. Темрезов Рэшид фIыщIэ хуищIащ полицэм и генералмайор Нефёдов Владимир, МВД-м хэтхэм я IэщIагъэ зэфIэкI лъагэм, къулыкъум икъраркIэ зэрыбгъэдэтым папщIэ. «Шэч къытесхьэкъым МВД-м и къулыкъущIэхэм дяпэкIи республикэм и шынагъуэншагъэмрэ зэпIэзэрытыныгъэмрэ къызэрызэрагъэпэщынум. Республикэм и къэрал власть къулыкъухэр дяпэкIи якъуэтынущ Урысейм и Президентым къигъэува къалэнхэр зэфIэхынымкIэ», — итхащ КъЧР-м и лIыщхьэм. КъЧР-м и Iэтащхьэмрэ и Правительствэмрэ я пресс-къулыкъу
Больше на Черкес хэку
Подпишитесь, чтобы получать последние записи по электронной почте.
