Къэрэшей-Черкесым и ЦIыхубэ ЗэIущIэм (Парламентым) щекIуэкIащ VII зэхуэшэсыгъуэм и зичэзу е 20-нэ сессиер. Абы и лэжьыгъэм хэтащ КъэрэшейЧеркесым и Iэтащхьэ Темрезов Рэшид. Пленар зэIущIэм ипэм республикэм и ЦIыхубэ ЗэIущIэм и тхьэмадэ Иванов Александр къыдэлажьэхэмрэ Къэрэшей-Черкесым щыпсэухэмрэ яхъуэхъуащ республикэм и Конституцэр къызэращтэрэ илъэс 30 зэрырикъуамкIэ.
Абы къызэрыхигъэщамкIэ, илъэс 30–кIэ узэIэбэкIыжмэ, 1996 гъэм гъатхэпэм и 5-м Къэрэшей-Черкесым щызэфIагъэкIащ тхыдэ мыхьэнэ зиIэ Iуэху: ЦIыхубэ ЗэIущIэм (Парламентым) и япэ зэхуэшэсыгъуэм и депутатхэм къащтащ хэгъуэгум и Хабзэ Нэхъыщхьэр — Къэрэшей-Черкес Республикэм и Конституцэр.
Илъэс 30 текIа пэтми, Конституцэм щIагъуэ зихъуэжакъым. Абы къегъэлъагъуэ а хабзэ тхылъыр зэхэзылъхьахэр я Iуэхум жэуаплыгъэкIэ зэрыпыкъуэкIамрэ тегъэчынауэ зэрелэжьамрэ. Хъуэхъу псалъэм къыпищащ Къэрэшей-Черкесым и Iэтащхьэ Темрезов Рэшид. Абы фIыщIэ яхуищIащ депутатхэм — хэгъуэгу хабзэкъэгъэщI къулыкъур гъерэтыфIэу зэрылэжьам папщIэ, жылагъуэ, лъэпкъ организацэхэм я унафэщIхэм, республикэм щыпсэу цIыхуу хъуам — ди щIыналъэм зэрыхуэщыпкъэм, псоми фIыщэу тлъагъу Къэрэшей-Черкесым и зыужьыныгъэм псэемыблэжу хэлъхьэныгъэ зэрыхуащIым щхьэкIэ. Депутатхэр хэплъащ упщIэ 20-м. Хабзэ проектитI къащтащ мировой хьэкумыщIэхэм я лэжьыгъэм теухуауэ. Япэр хуэунэтIат хьэкумыщIэ участкэхэр гъэкIуэдыжынымрэ нэгъуэщIхэр зэхэгъыхьэнымрэ, абы щIыгъут Къэрэшей-Черкесым и мировой хьэкумыщIэхэм я IэнатIэхэр къызэгъэпэщыныр, «О создании и упразднении судебных участков и должностей мировых судей в Карачаево-Черкесской Республике» хабзэм зэхъуэкIыныгъэ хэлъхьэныр.
Абыхэм япкъ иту Черкесск къалэм и хьэкумыщIэ районым и е 8-нэ, е 9-нэ хьэкумыщIэ участкэхэр ягъэкIуэдыжынурэ, абыхэм япIэкIэ хьэкумыщIэ участкитI къыщызэрагъэпэщынущ Адыгэ-Хьэблэ, Къэрэшей районхэм. Федеральнэ хабзэ зэхэтыкIэм зэрызихъуэжам епхауэ зэхъуэкIыныгъэ халъхьащ «О мировых судьях в Карачаево-Черкесской Республике» хабзэм. А ущхьэгъу дыдэмкIэ нэгъуэщI кIуэрабгъу иратащ хэгъуэгу хабзэ зыбжанэми. ЕджэгъуитIкIэ къащтащ «О внесении изменений в Закон Карачаево-Черкесской Республики «О государственной гражданской службе Карачаево-Черкесской Республики» хабзэ проектыр. ЗэхъуэкIыныгъэ халъхьащ «О республиканском бюджете Карачаево-Черкесской Республики на 2026 год и на плановый период 2027 и 2028 годов» хабзэм.
Къащтащ «Об отдельных вопросах организации местного самоуправления в Карачаево-Черкесской Республике» хэгъуэгу хабзэм и проектыр. Ар зэхалъхьащ «Об общих принципах организации местного самоуправления в единой системе публичной власти» федеральнэ хабзэр къызэращтамрэ «О формировании органов местного самоуправления КЧР при переходе на одноуровневую систему организации местного самоуправления в КЧР» хэгъуэгу хабзэмрэ я къэухьхэм иту
Больше на Черкес хэку
Подпишитесь, чтобы получать последние записи по электронной почте.
