ЧЕРКЕССК къалэм дэт, Совет Союзым и ЛIыхъужь Хьэбэч Умар и цIэр зезыхьэ педколледжым щекIуэкIащ «Профессионалы — 2025» IэщIагъэ IэкIуэлъакIуагъэмкIэ чемпионатым и хэгъуэгу Iыхьэм и япэ махуэр.
Эксперт-методист КIыщ Аминэ Мухьэмэд и пхъум дызэрыщигъэгъуэзамкIэ, зэпеуэр махуищкIэ екIуэкIынущ, абдеж щызэныкъуэкъунущ Черкесск къалэм дэт е 6-нэ, е 8-нэ, е 9-нэ, 12-нэ, 13-нэ курыт еджапIэхэм щекIуэкIа отборочнэ Iыхьэм щытекIуа ныбжьыщIэхэр.
Зэхьэзэхуэм и япэ махуэр теухуауэ щытащ «Смысловой анализ текста» жыхуиIэм. АбыкIэ юниорхэм ябгъэдэлъ зэфIэкIхэр утыку кърахьащ икIи дэтхэнэми ехъулIэныгъэ иIэу зыкъигъэлъэгъуащ.
Чемпионатым и конкурсантхэм яхэтщ ди лъэпкъэгъу, Черкесск къалэм дэт е 6-нэ курыт еджапIэм щеджэ Кячэ Алинэ. Пщащэ цIыкIур фIы дыдэу йоджэ, еджапIэ гъащIэм жыджэру хэтщ, къалэ, республикэ зэхьэзэхуэхэм зыкъыщегъэлъагъуэ.
Чемпионатым ипкъ иту Алинэ «Мы в ответе за тех, кого приручили» темэмкIэ класс сыхьэт итащ.
Псэ гузэвэгъуэм тIэкIу зэщIиубыдами, и гур къызэригъэгъуэтыжри, пщащэр жэуаплыгъэ хэлъу лэжьыгъэм бгъэдыхьащ. ИщIэн хуейуэ къыхуэв пщэрылъхэмрэ къалэнхэмрэ фIыуэ зыщигъэгъуазэри, сабийхэм ядэлэжьэну, абыхэм я акъыл къэухьым загъэужьынымкIэ щытыкIэфIхэр къызэригъэпэщыным зэрыхуэхьэзырыр сэтей ищIащ.
Алинэ и гъэсакIуэщ Выкхъэ Мадинэ Мухьэмэд и пхъур. Ди лъэпкъэгъу пщащэ цIыкIум дохъуэхъу текIуэныгъэр зыIэригъыхьэну!
ЕЗАУЭ Маринэ
Больше на Черкес хэку
Подпишитесь, чтобы получать последние записи по электронной почте.
