И щхьэгъусэм и лъэужьым тету…

Зауэ операцэ хэхам военнэ медсестрауэ хэт, «Хэкум и хъумакIуэхэр» хэгъуэгу Фондым Усть-Жэгуэтэ къалэм щиIэ къудамэм и социальнэ координатор, анэ быныбэ ТОХЧУКОВЭ Iэсят тхьэмахуэ кIуам журналистхэм яIущIащ къулыкъущIэ зэрыхъуамрэ фронтым щилэжьымрэ ятеухуауэ щигъэгъуэзэну  Ипэ дилъадэу жытIэнщи, мы бзылъхугъэр щыцIыкIу лъандэрэ хъуапсэт медицинэ IэщIагъэм и гъащIэр ирипхыну.

Медколледжыр къызэриухыу, и гуащӀэдэкӀ лэжьыгъэр Усть-Жэгуэтэ район поликлиникэм къыщыщӀидзащ, иужьым Ӏухьащ Кубрань дэт республикэ психиатрическэ сымаджэщым. Абдежым абы нэсу хьэкъ щохъу зи узыншагъэкIэ гузэвэгъуэ ихуа цIыхум дэIэпыкъуныгъэ тэрэз ебгъэгъуэтыным, уеблэмэ сымаджэм и гукъыдэжыр къэпIэту убгъэдэсыным мыхьэнэшхуэ зэриIэр. СВО-р зэрыщIидзэрэ Iэсят и щхьэгъусэр фронтым щыIэщ, зэман дыджым къигъэув къалэнхэр, къэралым и пщэ къыдилъхьэ Iуэху хьэлъэхэр щыпкъэу игъэзащIэу. 2022 гъэм езыри зэуапIэм Iухьэну зэрыхуейр и щхьэгъусэм щыжриIэм, ауи къыхуидакъым, быным къахэнэну, мыхъуж хъуми, япхъу нэхъыщIэ цIыкIур къэмыжэпхъауэ емыжьэну  къелъэIуащ. АрщхьэкIэ Iэсят и Iуэхур езыр зэрыхуейм хуэдэу ибзри идыжагъэххэти, Урысей Федерацэм и ТекIуэныгъэр къэгъэгъунэгъуным хьэлъхьэныгъэ хуэзыщIхэм яхэмыхьэу хуэшэчакъым, 2024 гъэм накъыгъэм и 9-м доброволецу заригъэтхри, зауэ гъуэгум техьащ. «Хэкум и хъумакIуэхэр» Фондыр къызэрагъэщI лъандэрэ ар жыджэру хэтщ псапащIэ, дэIэпыкъуныгъэ Iуэхухэм, 2023 гъэм и мэлыжьыхь мазэм щыщIэдзауи абы и социальнэ координаторщ. Дохутырым журналистхэм къыддригъэкIуэкIа зэпсэлъэныгъэр гъэщIэгъуэну икIи зэIухауэ щытащ. Ар къытепсэлъыхьащ езым хуэдэу Фондым егъэбыдылӀа бзылъхугъэ хахуэхэм  

къелъэIуащ. АрщхьэкIэ Iэсят и Iуэхур езыр зэрыхуейм хуэдэу ибзри идыжагъэххэти, Урысей Федерацэм и ТекIуэныгъэр къэгъэгъунэгъуным хьэлъхьэныгъэ хуэзыщIхэм яхэмыхьэу хуэшэчакъым, 2024 гъэм накъыгъэм и 9-м доброволецу заригъэтхри, зауэ гъуэгум техьащ. «Хэкум и хъумакIуэхэр» Фондыр къызэрагъэщI лъандэрэ ар жыджэру хэтщ псапащIэ, дэIэпыкъуныгъэ Iуэхухэм, 2023 гъэм и мэлыжьыхь мазэм щыщIэдзауи абы и социальнэ координаторщ. Дохутырым журналистхэм къыддригъэкIуэкIа зэпсэлъэныгъэр гъэщIэгъуэну икIи зэIухауэ щытащ. Ар къытепсэлъыхьащ езым хуэдэу Фондым егъэбыдылӀа бзылъхугъэ хахуэхэм  яхэту УФ-м и Президент Путин Владимир иджыблагъэ зэрыӀущӀауэ щытам, фронтым зыпэщӀэувэ гугъуехьхэм, СВО-м кӀуэным щхьэусыгъуэ хуэхъуам, абы и лъэужь зыхуну бзылъхугъэхэм яхэлъын хуей фӀагъхэмрэ хьэл-щэнхэмрэ. — Президентым къыддригъэкӀуэкӀа зэӀущӀэр хуабжьу сигу нэсыпащ, псоми нэгъэсауэ гулъытэ къызэрытхуищӀыным пылъу, ди гурыгъу-гурыщӀэхэм щӀэупщӀэу, хэт сыт хуэдэ лъэӀу е упщӀэ къыхуиӀэми игъэзэщӀэну хьэзыру къытпыкъуэкӀащ. Дакъикъэ 30 хуэдиз иригъэхьагъэнщ щхьэж къыхуиӀуатэм хэгъуэзэхун. ЗэуапӀэмрэ ди хэгъуэгумрэ я щытыкӀэр куэдкӀэ зэрызэщхьэщыкӀыр гурыӀуэгъуэ пщыхъунукъым жэщмахуэ имыӀэу зэхэуэ гуащӀэхэр здекӀуэкӀ щӀыпӀэм уимыхьауэ. Си дэсыгъуэ махуэхэр иухауэ фронтым щызгъэзэжкӀэ, аргуэру сохьэж псэзэпылъхьэпӀэм, Къэрэшей-Черкесым сыкъыщыкӀуэжкӀэ – согуфӀапэ: «Ди щӀыналъэр сыту тынш, сыту фӀыуэ мыбдеж хьэр  гъэшыргъэ дыхэмытрэ» жысӀэу. Сэ медсестрауэ фронтым сызэрыӀухьэрэ мащӀэкъым си нэгу щӀэкӀар. УӀэгъэ хьэлъэ хъуа зауэлӀхэр, лӀэнкъэнэну къыщытхуашэкӀэ, я Ӏэпкълъэпкъым щыщ Ӏыхьэр лагъымым ныкъуэпытхъ ищӀамэ, къупщхьэ зэрытыпӀэм нэс пытхын хуейуэ къыщытхудэхуэ къохъу: и лъакъуэм е и Ӏэм. А псори псэкӀэ схуэшэчынутэкъым психологыу семыджатэмэ. ПщӀэ лей яхуэфащэщ икӀи яхузощӀ ди цӀыхухъухэм. Сэ иджыри срихьэлӀакъым абыхэм ящыщ гуэрым игу игъэкӀуэдауэ. Зым адрейр зэригъэгушхуэным, къэкӀуэныфӀым зэрыригъэгупсысыным къыхуриджэу апхуэдэщ. Куэд иӀэжкъым си контрактыр иухыным, ауэ си къулыкъум адэкӀи пысщэну зызогъэхьэзыр. Зауэ операцэ хэхар и кӀэм нэдмыгъэсауэ, ТекӀуэныгъэр дыдей мыхъуауэ сыкъэкӀуэжыфынукъым, – къаддэгуэшащ бзылъхугъэр.

ЛЫХЬ Тимур