Ди хэгъуэгум и Iэтащхьэ Темрезов Рэшид «Къэрэшей-Черкес Республикэм и ЦIыхубэ артист» щIыхьыцIэ лъапIэм щыхьэт техъуэ бгъэхэIур хуигъэфэщащ Урысейм ЩIыхь зиIэ и артист, гъуазджэм и лэжьакIуэ зэчиифIэ, ди хэкуэгъу БИЛАН Димэ.
Къэрэшей-Черкесым къыщыхъуа уэрэджыIэ цIэрыIуэр, зи гуащIэкIэ, зи егугъуныгъэкIэ, зэчийкIэ къэралми, адэжкIи цIэрыIуэ щыхъуа, зи къуэпсхэр зымыгъэгъуащэ Билан Димэ илъэс кIуам, 2025 гъэм, Черкесск къалэр илъэс 200 щрикъум и щIыхькIэ махуэщIым къеблэгъауэ щытащ икIи а Махуэр гуимыхуж тхуищIат. Билан Димэ и концертым апщыгъуэм цIыху мин бжыгъэ зэхуишэсащ. ЛъагапIэшхуэхэм хуэкIуэкIэрэ, ехъулIэныгъэ инхэр зыIэригъыхьэкIэрэ, къыщыхъуа и лъахэр, и хэкур цIыхум щымыгъупщэным и щапхъэ дахэщ Билан Димэ.
Республикэм и къалащхьэм и щIыхькIэ итауэ щыта концертым дежи щыжиIащ: «Сэ срогушхуэ Къэрэшей-Черкесым сыкъызэрыщыхъуам!»
«ЩIыхьыцIэ къилъэщам папщIэ, гъуазджэ ехъулIэныгъэщIэхэм иджыри хунэсыну, и телъхьэхэр и творчествэмкIэ илъэс куэдкIэ игъэгуфIэну сохъуэхъу Билан Димэ», — социальнэ зэпыщIэныгъэхэм щитхащ республикэм и лIыщхьэм.
Больше на Черкес хэку
Подпишитесь, чтобы получать последние записи по электронной почте.
