Апхуэдэ къыхуеджэныгъэм щIэту, Урысейм и Президент Путин Владимир и жэрдэмкӀэ къызэрагъэпэща Урысейпсо акцэм ипкъ иткӀэ, КъЧР-м и Iэтащхьэ Темрезов Рэшид республикэ «ХъуэпсапӀэхэм я псейм» къыпихащ сабийхэм я илъэсыщӀэ гурылъхэр зэрыт тхылъымпӀибгъу. Абыхэм яхэтщ гулъытэ, дэӀэпыкъуныгъэ нэхъыбэ хуэныкъуэ сабий цӀыкӀухэр. «Ди нанухэм я хъуэпсапӀэхэр зэмылӀэужьыгъуэт.
Илъэс 13 зи ныбжь Егор — 3D принтер, илъэс 13-м ит Езденбийрэ илъэси 9 хъу Къаплъэнрэ — 3D сурэтхэр зыхэт тхылъыр, Владислав илъэс 11 мэхъури — «умная колонка», Иринэ илъэси 9 мэхъури макъамэ тхылъ, Аринэ илъэс 17 мэхъури — пауэрбанк зыIэригъыхьэну хуейщ, илъэс 11 зи ныбжь Замир — пульткӀэ лажьэ машинкэ, нэхъ цӀыкӀу дыдэхэу Мединэрэ Абдулыхьрэ лъакъуэрыгъажэ я хъуэпсапӀэщ.
Саугъэтхэмрэ ӀэфӀыкӀэ зэхэлъхэмрэ къытӀэрагъэхьащ ди лэжьэгъухэу муниципальнэ къэхъугъэхэм я унафэщӀхэм. ИлъэсыщӀэ саугъэтхэр куэд мыщIэу «Забота» сабий Унэмрэ Луганск ЦIыхубэ Республикэм хыхьэ Старобельскэ муниципальнэ къэхъугъэм щыщ Владиславрэ яIэрыдгъэхьэжынущ. ЦIыкIухэм я нэгум къыщIих гуфӀэгъуэмрэ насыпымрэ плъагъуныр — дэркIэ саугъэтыфӀщ. Апхуэдэ дакъикъэхэм къыбгуроӀуэ ди сабийхэм хуабагъэрэ гулъытэрэ тыгъэ яхуэщIыныр зэрылъапӀэр. Къытхуихьэ махуэщIымкIэ, цӀыкӀухэ! Насыпрэ фӀыгъуэ мыухыжрэ илъэсыщӀэм къыфхуихь!», — МАХ-м щитхащ республикэм и Iэтащхьэм. Къэрэшей-Черкесым «ХъуэпсапIэхэм я псей» псапащӀэ Ӏуэхур хабзэфI хъуауэ щрагъэкIуэкI. Абы холэжьыхь КъЧР-м и Правительствэм хэтхэр, республикэм и Ӏэтащхьэмрэ и Правительствэмрэ я Администрацэм и лэжьакIуэхэр, Парламентым и депутатхэр, республикэм и муниципальнэ къэхъугъэхэм я Ӏэтащхьэхэр, федеральнэ къулыкъухэм я щӀыналъэ къудамэхэм я унафэщӀхэр.
Больше на Черкес хэку
Подпишитесь, чтобы получать последние записи по электронной почте.
