«Защитники Отечества» Фондым Къэрэшей-Черкесым щиIэ къудамэм СВО-м хэт е хэта зауэлIхэмрэ абыхэм я унагъуэхэмрэ щхьэпэ зэрахуэхъун лэжьыгъэ зэмылIэужьыгъуэ куэд ирегъэкIуэкI. Апхуэдэщ зауэм и ветеранхэм я реабилитацэм, посттравматическэ стресс щытыкIэм (ПТСР) япха гулъытэ Iуэхугъуэхэри. Махуэ къэс зэхэщIыкI зиIэ психологхэм зэпсэлъэныгъэхэр, зэIущIэхэр ирагъэкIуэкI. Зауэр зи нэгу щIэкIа щIалэ куэдым абдеж щалъэгъуа гукъутэ къэхъукъащIэхэм къагъэщIа псэщытыкIэ, гупсысэ нэщхъыджэхэм езырезыру къыщыхэмысыкIыф щыIэщ. Аращ психологхэм я къалэн нэхъыщхьэр — зауэлIхэм я нэгу щIэкIа, лъэужь дыдж къэзыгъэна гукъэкIыжхэр зэпкърахыну, нобэрей гъащIэ мамырым щIалэхэр тыншу къыхыхьэнымкIэ сэбэп хъуну.
Мыпхуэдэ чэнджэщ хуэныкъуэм мы телефон номерымкIэ ищI хъунущ: 8 (8782) 28-41-24. Фондым и филиалым и хэщIапIэр: Черкесск къалэ, Гагарин и цIэр зезыхьэ уэрам, унэр 24-рэ.
Больше на Черкес хэку
Подпишитесь, чтобы получать последние записи по электронной почте.
