ХэткIи наIуэщ хабзэхъумэ къулыкъухэм епха къудамэхэм хэт цIыху щыпкъэхэм къанэмыщIауэ, абыхэм я дэIэпыкъуэгъу, ныбжьэгъу пэжу хьэхэри лэжьыгъэ гугъум зэрыпэрытыр. Тхыдэращи, щапхъэкIэ къулейщ псэущхьэхэм цIыхухэм хуэдэу лIыгъи, хахуагъи, бэшэчагъи щызэрахьа къэхъукъащIэхэр. ИкIи арагъэнущ шыщхьэIум и 19-р фронтым Iут хьэм и Махуэу щIагъэлъапIэр. МахуэщIыр 2017 гъэм къагъэщIащ Хэку зауэшхуэм и Купсэ музейм и къыхэлъхьэныгъэкIэ. МахуэщIыр ятеухуащ зауэм щыгъуэ лIыхъужьыгъэ-хахуагъэ зезыхьа хьэ къулыкъущIэхэм. Мы махуэщIым ехъулIэу «Карачаево-Черкесия» ГТРК-м щыщ журналистхэр Росгвардием Къэрэшей-Черкесым щиIэ Управленэм хыхьэ кинологическэ къалэ цIыкIум щыхьэщIащ. Росгвардием щыщ лэжьакIуэхэм журналистхэм хуаIуэтащ кинологхэмрэ абыхэм я хьэ гъэсахэмрэ я махуэр зэрыкIуэр. Апхуэдэу кинологическэ гупым и инструктор нэхъыжь Заур къызэрыхигъэщащи, мы лэжьыгъэм упэрытын папщIэ псом япэу псэущхьэхэр фIыуэ плъагъуу, гущIэгъурэ гулъытэрэ яхуэпщIу узэрыщытыпхъэр. Кинологым зэрыжиIащи, «Зевс» зыфIаща бельгийскэ овчаркэр мызэ-мытIэу зауэ операцэ хэхар здекIуэкI щIыпIэхэм щыIащ, къалэн мымащIи игъэзэщIащ. Апхуэдэу тIасхъэщIэх, къэлъыхъуэныгъэ Iуэхугъуэхэм мы хьэ Iущыр хэткIэрэ, абы къигъуэтащ бийм Iэщэ зэмылIэужьыгъуэхэр здигъэпщкIуа щIыпIэхэр. Росгвардием Къэрэшей-Черкесым щиIэ Управленэм и пресскъулыкъу
Больше на Черкес хэку
Подпишитесь, чтобы получать последние записи по электронной почте.
