Къэрэшей-Черкесым эстремизмэм пэщIэтынымкIэ и Купсэм и лэжьакIуэхэр МВД-м и «Къэрэшей» къудамэм и уполномоченнэ участковэхэмрэ (Домбай къулыкъу щызыщIэхэр) миграцэ IуэхухэмкIэ и Управленэм и лэжьакIуэхэмрэ къыщIагъэщащ Кисловодск (Нартсанэ) къалэм щыщ, илъэс 50 зи ныбжь лIым миграцэ хабзэр ди щIыналъэм щимыгъэзэщIауэ. КъызэрыщIэкIамкIэ, къуаншагъэ зыIэщIэщIар Домбай жылагъуэм щопсэу.
Абы, къэрал хабзэхэм къапикIухьу, Тыркумэн Республикэм щыщу нэрыбгищ Урысей Федерацэм къришэу псэупIэкIэ къызэрызэригъэпэщам и ягъэкIэ, хамэщI къикIа нэрыбгэхэр административнэ жэуаплыгъэм ирашэлIащ УФ-м и КоАП-м и 18.8-нэ статьям и 1.1-нэ IыхьэмкIэ (УФ-м и гъунапкъэхэр зэрызэпыбупщI, укъызэрихьэ е узэрыщыпсэу хабзэхэр) икIи МВД-м и «Къэрэшей» къудамэм щIэпхъаджащIэхэр пIалъэкIэ здиIыгъ щIыпIэ хэхам ирагъэтIысхьащ. Тыркумэнхэр къыщаубыда махуэ дыдэм, КъЧР-м и МВД-м уголовнэ лъыхъуэныгъэмкIэ и Управленэм и лэжьакIуэхэм къагъуэтащ республикэ купсэм щыпсэу, илъэс 76-рэ ныбжьым ит бзылъхугъэм Азербайджан Республикэм щыщу и унэм нэпцIу цIыхуищ зэрыщыщIитхар, ахэр абдеж зэи зэрыщымыпсэунур ищIэрэ пэт.
Черкесск къалэм и кIэлъыплъакIуэплъыракIуэ къулыкъум хэтхэм белджылы зэращIамкIэ, илъэс 60 зи ныбжь къалащхьэдэсми и унэм зы цIыху щIитхащ Азербайджаным къикIауэ, ауэ ар щыгъуазэтэкъым псэупIэ зрита лIым зигъэбзэхыу, зэгуэрми и нэгу зыкъызэрыщIимыгъэхуэнум. КъулыкъущIэхэм мигрантхэм яхуэгъэзауэ ягъэкIуатэ Iуэхухэр зыхуэщIар къэрал хабзэ зыкъутэхэр нэIэ щIэгъэтынымрэ хэгъуэгум и жылагъуэ щытыкIэр зэпIэзэрыту щыгъэтынымрэщ.
Больше на Черкес хэку
Подпишитесь, чтобы получать последние записи по электронной почте.
