ГущIыхьэ ин

Дунейм щиIа и гъащIэр щиухащ адыгэ лъэпкъым фIыщэу къыщацIыху, лъэпкъым и щэнхабзэмрэ и гъуазджэмрэ лъагапIэ къызэрымыкIуэхэм щызыIэта, Къэрэшей-Черкес Республикэм щIыхь зиIэ и сурэтыщI, УФ-м и сурэтыщIхэм я Союзым хэт ХЬЭГЪУНДОКЪУЭ Мухьэмэд Рэмэзан и къуэм. Къэрэшей-Черкесым и художественнэ гъащIэм живописец Хьэгъундокъуэ Мухьэмэд къыхыхьауэ щытащ 1970 гъэм. Ар къыщыхъуащ Али-Бэрдыкъуэ къуажэм 1952 гъэм щэкIуэгъуэм (ноябрым) и 26-м. Мухьэмэд и IэдакъэщIэкIщ тхылъ 70-м щIигъу иллюстрацэ щIыныр, изобразительнэ гъуазджэм и жанр зэхуэмыдэхэм я цIыху IэпщIэлъапщIэт. Хьэгъундокъуэ Мухьэмэд и лэжьыгъэхэр щахъумэ дуней псом и музей цIэрыIуэхэм, уней коллекцэхэм. Лъэпкъым и зыужьыныгъэм хуищIа хэлъхьэныгъэшхуэр къыхалъытэкIэрэ, Дунейпсо Адыгэ Хасэм къыбгъэдэкIыу Хьэгъундокъуэ Мухьэмэд ФIыщIэ Тхылърэ щIыхь нагъыщэкIэрэ ягъэлъэпIауэ щытащ. Дахуощыгъуэ адыгэ лъэпкъым, дунейм ехыжар къызыхэкIа унагъуэм, къыдалъхуахэмрэ и Iыхьлыхэмрэ. Тхьэм а хэщIыныгъэ иныр шэчыгъуафIэ фхуищI. «КъЧР-м и Адыгэ Хасэ – Черкесский Парламент» лъэпкъ жылагъуэ зэщIэхъееныгъэм и Советым хэтхэр, «Черкес хэку» газетым и лэжьакIуэхэр