Къэрэшей-Черкесым щыпсэухэми, къулыкъущIэхэми СВО-р къызэрежьэрэ абы щыIэ ди зауэлIхэм зэралъэкIкIэ зыщIагъакъуэ: шхыныгъуэхэр, щыгъынхэр, зауэм къащхьэпэну Iэмэпсымэхэр хурагъашэ. Апхуэдэ зы хьэлъэщ иджыблагъи зэхуахьэсу 34-нэ гвардейскэ бгы мотострелковэ бригадэм республикэм и Парламентым къыбгъэдэкIыу хурагъэшар.
Ди зауэлIхэм я къалэнхэр нэхъ тыншу, псынщIагъуэу ягъэзэщIэн папщIэ хьэлъэ ирагъэшахэм халъхьащ радиостанцхэр, генераторхэр, зэрызагъэпщкIу хъыхэр, бытовой химиер, шхыныгъуэ зэмылIэужьыгъуэхэр, псы къабзэ… КъинэмыщIауэ, абы щIагъужащ республикэм и еджапIэ зэхуэмыдэхэм я еджакIуэ ныбжьыщIэхэм, ветеран зэгухьэныгъэхэм къабгъэдэкIа саугъэтхэр, IэфIыкIэхэр, тхыгъэ гуапэхэр. Тхьэм ди дэтхэнэ зауэлIри къихъумэ, хурагъэхь псори сэбэп къахухъу!
Зыгъэхьэзырар ГЪУКIЭКЪУЛ Иринэщ
Больше на Черкес хэку
Подпишитесь, чтобы получать последние записи по электронной почте.
