ГуфIэгъуэ дауэдапщэкIэ гъэнщIауэ

Накъыгъэм и 9-м республикэм и дэнэ къуапи щекIуэкIащ ТекIуэныгъэ Иным и махуэщI дауэдапщэхэр. Iуэхугъуэхэм нэхъ зыщаубгъуащ республикэм и къалащхьэм.

Ленин и цIэр зезыхьэ республикэ къалащхьэ утыку нэхъыщхьэм щеувэкIащ махуэщI Парадым хэтынухэр, абы еплъыну къызэхуэсахэр. Республикэм и военнэ комиссар Белобородов Сергей КъЧР-м и Iэтащхьэ Темрезов Рэшид щигъэгъуэзащ Парадым псори зэрыхуэхьэзырым. ТекIуэныгъэм и Бэракъыр, Урысейм, Къэрэшей-Черкесым я Къэрал Ныпхэр утыкум кърахьащ.

Парадыр езыгъэкIуэкIыр къеджащ УФ-м и Президентым, федеральнэ къэрал лIыщхьэхэм къабгъэдэкIыу Къэрэшей-Черкесым къыхуагъэкIуа хъуэхъухэм. Иужьым Темрезов Рэшид Парадым щеувэкIа гупхэм, къалэдэсхэм, хьэщIэхэм хъуэхъукIэ захуигъэзащ. — Хэку зауэшхуэм ди къэралым къыщихьа ТекIуэныгъэр ауэ сытми махуэбж къэхъукъащIэкъым. Ар — ди гушхуэныгъэщ, псоми дакъыхэзыгъэщщ, щIэблэкIэрэ зэIэпытх жэуаплыгъэщ.

Нобэ долъагъу нацизмым аргуэру и щхьэр къызэриIэтыр, совет цIыхубэм и лIыгъэр ягъэулъиину зэрыпылъыр. Ауэ, ди къэралым и Президентым зэрыжиIащи, дэ зэгуэрми тщымыгъупщэну, доцIыху ЕтIуанэ Дунейпсо зауэшхуэм и тхыдэр икIи зыми хуэддэнукъым а тхыдэр игъэулъиину, зэпи- гъэзэнур. Пэжыгъэмрэ захуагъэмрэ дрителъхьэщ икIи ди гъусэщ, — къыхигъэщащ республикэм и Iэтащхьэм.

Утыкум ирикIуащ дзэ пакIэхэр, хэкупсэ щIалэгъуалэ гупхэр, къулыкъущIэ зэхуэмыдэхэр. Иужьым гуфIэгъуэ дауэдапщэр, уэрэдхэр, «Урааа!» уардэр щхьэщыту цIыхубэм хуиунэтIащ къалэм дэт ТекIуэныгъэм и паркышхуэм.

Зэгъэзэхуэжыныгъэ нэужьхэм зи теплъэр ефIэкIуа паркыр нэхъри ягъэдэхащ а махуэм цIыхухэм къабгъэдэкIыу фэеплъхэр зэрагъэщIэрэщIа удз гъэгъахэмрэ блэрхэмрэ. Абы ипэ къихуэу, фэеплъхэм удз Махуэр хуабжьу гъэнщIауэ щытащ щэнхабзэ, гъуазджэ IуэхугъуэхэмкIэ.

Ахэр щекIуэкIар Ленин и цIэр зезыхьэ утыку уардэм и закъуэкъым, атIэ къалэм и щIыпIэ зэхуэмыдэхэм щыIуащ ТекIуэныгъэм и фIыщIэ псалъэхэр, уэрэдхэр, усэхэр, къафэхэр. «ХытIыгу ЩхъуантIэ» паркым щыплъагъунут сэлэт шхапIэр, пшхыфынут абы  МахуэщIым и къэпщытэжыныгъэу пщыхьэщхьэм Черкесск къалэм и уафэгур къагъэнэхуащ хьэрэкIытIэ зэмыфэгъухэм. Абыхэм япэджэжащ цIыхубэм и гуфIэгъуэ даущыр, сабийхэм я жьгъыру макъыр.

БлэкIащ махуэщIыр, ауэ иухакъым фэеплъыр. Фэеплъыр — гъунэншэщ! Фэеплъыр — мыкIуэдыжынщ!

ТУАРШЫ Ирэ