Къэрэшей-Черкесым щыщ щIалэ, пщащэ 7412-мкIэ накъыгъэм и 26-р махуэ хэхащ — абыхэм иужьрей уэзджынэр къахуеуащ. Гукъыдэжым зэщIиIэтэ республикэ щIалэгъуалэр гъэнщIащ ипэкIэ зэрыкIуэтэн лъэбакъуэщIэхэмкIэ, гурыщIэ къабзэхэмкIэ…
«Сигу къокIыж еджапIэр къыщызуха махуэр. Апхуэдэ хъуэпсапIэхэмрэ пIейтеиныгъэ дыдэхэмрэ, упщIэ нэхъыщхьэр: гъащIэ гъуэгур къыхэхынымкIэ сыщымыуэныр. Абы лъандэрэ илъэс бжыгъэ дэкIа нэужь, жысIэфынущ: гъуэгу пэжыр — ар уи къэралымрэ уи Хэку цIыкIумрэ сэбэп уздыхуэхъущ, ипэжыпIэкIэ узыгъэгушхуэ Iуэхум узделэжьыфщ. Си гум къыбгъэдэкIыу сывохъуэхъу ди республикэм и еджапIэхэм къыщIэкI ныбжьыщIэхэм фи гъащIэм мыхьэнэшхуэ щызиIэ IуэхущIэмкIэ икIи къыхэфха гъуэгум ехъулIэныгъэ щывиIэну! Хэхауэ фIыщIэ яхуэсщIыну сыхуейщ егъэджакIуэхэмрэ адэ — анэхэмрэ. Фи сабийхэм фи псэр яхэфлъхьащ, икIи нобэрей махуэщIыр куэдкIэ зи фIыщIэр фэращ. ЕджапIэр къэзыуха ди ныбжьыщIэ лъапIэхэ! ФыщIэхъуэпс, фытегушхуэ мурад нэхъ ин дыдэхэм икIи зыщывмыгъэгъупщэ: псори къывэхъулIэнущ! Дэ сыт щыгъуи дывдэIэпыкъунущ, зыфщIэдгъэкъуэнущ. Гъуэгу махуэхэ!», — ди республикэм и лIыщхьэм МАХ-м щиIэ напэкIуэцIым щитхащ.
КъЧР-м и Iэтащхьэмрэ и Правительствэмрэ я пресс-къулыкъу
Больше на Черкес хэку
Подпишитесь, чтобы получать последние записи по электронной почте.
