Къэрэшей-Черкесым и Iэтащхьэ Темрезов Рэшид хэтащ Урысей Федерацэм и Президентым и Администрацэм и унафэщIым и къуэдзэ Орешкин Максимрэ Правительствэм и вице-премьер Чернышенко Дмитрийрэ я унафэм щIэту Правительствэм и Координационнэ советым щекIуэкIа зэIущIэм.
ЗэIущIэм къыщаIэтащ егъэджэныгъэ IэнатIэм щынэхъыщхьэ темэр – иджырей общеобразовательнэ организацэхэр къызэгъэпэщыныр, нэхъри тегъэчынауэ жытIэмэ, иджырей егъэджэныгъэ организацэхэр – урысей, дунейпсо мардэ нэхъыфIхэм изагъэ флагман еджапIэхэр хэгъуэгу 12-м, Къэрэшей-Черкесри абыхэм яхэту, щыухуэным епха Iуэхур. Егъэджэныгъэм и технологие пэрытхэмрэ методикэщIэхэмрэкIэ лажьэ еджапIэр хуэунэтIауэ щытынущ еджакIуэхэм лъэныкъуэ псомкIи загъэузэщIыным, ахэр предмет псомкIи фIагъ лъагэ иIэу гъэхьэзырыным. Псалъэм и жыIэгъуэкIэ, апхуэдэ еджапIэхэм щIэныгъэхэмрэ технологие лъагэхэмрэкIэ зэщIэузэда IэнатIэхэм папщIэ щагъэхьэзырынущ IэщIагъэлI резервхэр. Абы къинэмыщIауэ, гулъытэ хуащIынущ творческэ дисциплинэхэм, физическэ гъэсэныгъэм, уней лъэкIыныгъэхэм загъэужьыным. Проектыр ягъэзащIэ УФ-м и Президент Путин Владимир и хьэрычэткIэ зэхалъхьа «Молодежь и дети» лъэпкъ проектыщIэм и къэухьхэм иту.
Больше на Черкес хэку
Подпишитесь, чтобы получать последние записи по электронной почте.
