Зауэ операцэ хэхар зэрыщIидзэрэ увыIэгъуэ имыIэу псапащIэ лэжьыгъэхэр егъэкIуатэ Черкесск къалэм дэс Куэчэ Шамсудин. Урысей Федерацэм ифI зыхэлъ Iуэхухэм IэпщэкIэ щIэбэныну фронтым Iуува адыгэхэмрэ абазэхэмрэ мы щIалэм яхуимыщIэ щыIэкъым жыпIэмэ, зыпцI хэлъынукъым.
Ди газетым тхыгъэ зыбжанэ тетагъэххэщ хэкупсэлIым, цIыху гумызагъэм теухуауэ. Мис иджыпстуи щхьэусыгъуэ абы къыдитащ CВО-м щыIэхэм иужь дыдэу зэращхьэпам теухуауэ къызэрыддэгуэшамкIэ дывдэгуэшэжыну. Шамсудин абазэ лъэпкъым щыщщ. Ар зэуапIэм щыIэхэм щыгъынкIи, шхынкIи, техникэкIи ядоIэпыкъу зэфIэкIрэ пщIэрэ зиIэ и лъэпкъэгъухэр зыкъуигъэувэурэ:
КъЧР-м и ЦIыхубэ ЗэIущIэм (Парламентым) и тхьэмадэм и къуэдзэ, абазэ-абхъаз Дунейпсо конгрессым и Ищхьэ Советым и тхьэмадэ Ечзэч Мусэ, Ростов областым и ХабзэкъэгъэщI ЗэIущIэм и депутат, «Донэнерго» дзей зэгухьэныгъэм и генеральнэ унафэщI Хъырцыжь Мурат, хыхьэхэкIырылажьэ зэкъуэшхэу Шыдхэ Зурабрэ Зауррэ. Ауэ абыхэм ящыщу мызыгъуэгум ди гулъытэр зыхуэгъэзауэ щытынур Хъырцыжь Муратщ. Шамсудин зымахуэ зыкъытпищIэри къыджиIащ 34-нэ гвардейскэ мотофочауэ бригадэ хэхам хэт и къуэш Руслан гуманитар IуэхукIэ Мурат и деж зэрыщыIар.
СВО-м щыIэ ди хэкуэгъу щIалэхэм зауэ къалэнхэр гугъу емыхьу ягъэзэщIэн папщIэ, и лэжьэгъухэмрэ и ныбжьэгъухэмрэ зыщIигъакъуэкIэрэ Хъырцыжьым къищэхуа автомобилымрэ генератор зыбжанэмрэ, шхынхэкIхэмрэ нэгъуэщI-къинэмыщI хьэпшыпхэмрэ ищтэри фронтым ишащ Куэчэ Руслан. «КъулыкъущIэхэр къызыщIэлъэIуар къэщэхунымкIэ щхьэпэ хъуа си унагъуэми, си лэжьэгъу щыпкъэхэми, си ныбжьэгъуфIхэми тхьэгъэпсэу яжесIэну сыхуейщ. Урысей Федерацэм и Президент Путин Владимир къытхуигъэува къалэнхэр гъэзэщIэным хэлъхьэныгъэ хуэзыщIа дэтхэнэми Тхьэм псэуныгъэ быдэ кърит!», — щитхащ и телеграм-каналым Хъырцыжь Мурат. Абы ипэжкIэ, УФ-м къыгухьэжа хэгъуэгухэм щыпсэухэм, зауэ операцэ хэхам хэтхэмрэ абыхэм я унагъуэхэмрэ дэIэпыкъуныгъэ къахузэгъэпэщыным Хъырцыжь Мурат и гуащIэ ин зэрыхэлъыр къыхалъытэри, «ЦIыхубэ фронт. Псори текIуэныгъэм папщIэ» бгъэхэIу лъапIэр къыхуагъэфэщащ. — Ди къэралым и хэгъуэгущIэхэмрэ къулыкъущIэхэмрэ фIы яхуэщIэныр хэти и къалэн нэхъыщхьэу солъытэ, — жиIащ бгъэхэIур къыщратым.
Куэчэ Шамсудин и гуапэ дыдэ хъуащ Ечзэч Мусэ и иужьрей фIыщIагъэхэм папщIэ зи № 01485 дзэ пакIэм и командир Умаров. Р., и Iэпэ зыщIэлъ ФIыщIэ тхылъкIэ и цIэр къызэрыраIуэри. Тхылъым мыпхуэдэ сатырхэр къыщыхьащ: «ПщIэ зыхуэтщI Мусэ Хьэбалэ и къуэ! Ди зауэлIхэмрэ абыхэм я анэхэмрэ фIыщIэшхуэ къыпхуащI мычэму гуманитар дэIэпыкъуныгъэ зэрабгъэгъуэтым пап щIэ. Сыт щыгъуи гу ялъыптэу, уи гупэ яхуэгъэзауэ щытщи, гузэвэгъуэ ихуамэ, зэгуэрми «хьэуэ» яжепIэкъым, уи къуэшыIэр яхуэпшиину ухьэзырщ. Ди щIалэхэм апхуэдэу уащыхуэсакъкIэ зыхащIэ зыщалъхуа лъахэм щIыбагъ лъэщ зэрыщаIэр».
Зыгъэхьэзырар ЛЫХЬ Тимурщ
Больше на Черкес хэку
Подпишитесь, чтобы получать последние записи по электронной почте.
