УФ-м и Федеральнэ ЗэӀущӀэм ФедерацэмкӀэ и Советым Къэрэшей-Черкесым къыбгъэдэкӀыу хэт сенатор Къэзэнокъуэ Кърым 34-нэ гвардейскэ мотострелковэ бригадэ щхьэхуэм, бгырыс бригадэм и унафэщӀхэм я лӀыкӀуэм хуэзащ.
ЗэӀущӀэм апхуэдэу хэтащ хы лъэсыдзэм и 810-нэ гвардейскэ бригадэ щхьэхуэм и офицерым и адэ, СССР-м Ӏэхуитлъэхуит бэнэкӀэмкӀэ спортым и мастер Акбаев С., «ВоИн» зауэ ныкъуэдыкъуагъ зытелъхэм я Урысейпсо зэгухьэныгъэм и хэгъуэгу къудамэм и тхьэмадэ, Афганистаным щекӀуэкӀа зауэм и ветеран Жданов Г. сымэ. ФедерацэмкӀэ Советым зыхъумэжыныгъэмрэ шынагъуэншагъэмрэкӀэ и комитетым и унафэщӀ Булавин Владимир и пщэрылъкӀэ, сенатор Къэзэнокъуэ Кърым ФӀыщӀэ тхылъ иритащ 34-нэ бригадэм и унафэщӀым и къуэдзэ, гвардием и подполковник Григорьев Д. СВО-м и щӀыналъэм къыщагъэув къалэнхэр фӀагъ хэлъу зэригъэзащӀэм папщӀэ.
КъинэмыщӀауэ, зэӀущӀэм щытепсэлъыхьащ дзэ къулыкъущӀэхэм я зауэ-социальнэ щытыкӀэм, СВО-м хэтхэм зэрадэӀэпыкъуну Ӏэмалхэм. ДяпэкӀи зэрызэдэлэжьэнухэмкӀэ я мурадхэр ягъэнэӀуащ.
Ди корр.
Больше на Черкес хэку
Подпишитесь, чтобы получать последние записи по электронной почте.
