ЕУТЫХ Турхьэн и усэхэм ящыщ Iэрамэ

Си адыгэбзэ

Си адыгэбзэ къабзэу
Iубзэ дахэ,
Узэхэсхэу
узэхэсшIыкIы къэси,
СигукIэлъапсэ
къэогъэкъабзэ.
ГъащIэр
сэзгъашIэу зышIэ,
СызшIырэр оры,
Си лъапсэ и псалъэ
КъысIузылъхьагъэр
оры.
УсимIагъэем о,
сэ дэу сIотагъа сэры.
Сипсэр, силъапсэр,
сипсалъэр оры.
Сипсэлъалъэу
сызгъэпсэурэр оры.

Ущыгъуазэ, силъэпкъэгъу?

Ущыгъуазэ, силъэпкъэгъу,
Ущыгъуазэ титхыдэ?
Ущымгъуазэм къэсIотэн,
КъысэдэIуи зэ мыдэ.
Минрэ шъийрэ хыкIрэ плIым,
ЧIылъэр игъэшъокIыгъэу адыгэлъым,
ЖъоныгъуакIэм и тIокIрэ зым
Лъэпкъэр зэлъиштэгъу гу узым,
Хы шIуцIэм игъэушIуцIыгъэу ягу,
Гууз гъыбзэ къаIоу макIох хамэ кIыгу.
Къуахьым къяхьылъэкIы кIехьа нахъыбэр,
Ныор шуъзабэр сабый быдзашъор
Хым зэрилъасэу адыгэ хьадэр
Хьадрыхэ гъогум къелыгъэр макIэ.
Арары зышIыгъэр адыгэр гу макIэ,
Мары мэущтэу псыхэкIуадэу,
ТшъуIагъэкIодыгъ тэ тихэку.
Мары мэущтэу тыкъагъэнагъ,
ТимыIэжьэу тэ хэгъэгу.
Самсун хы Iушъо нэпкъым
Нэкъэ пакъэ хъужыгъэу,
Узы бзаджэм къакIэныгъэм,
ТакъкIэныгъэу тэпсэу.
Уигу умгъэкIод, силъэпкъэгъу,
Тхьэм тырихьакI, ар къыткIыгъу.
Тибзэ тIулъэу, хабзи тхэлъэу,
Мары иджи тызэкIыгъу.

Iошъхьамафэ Iугъо тет

Iошъхьамафэ Iугъо тет еоой, еоой, еоой,
Адыгэ бынэр губгъуэм ит еоой, еоой, еоой,
Адыгэбзэр ябгынэ еоой, еоой, еоой,
Лъэпкъ тхыдэри ямыщIэж еоой, еоой, еоой,
Адыгэр бэу лъэпкъышхуагъ еоой, еоой, еоой,
Ар лъэпкъыбэм яшэпхъагъ еоой, еоой, еоой,
ЛIыхъужь лъэпкъэу лъэшыгъэ еоой, еоой, еоой,
ЛIакъо пстэури зэшыгъэ еоой, еоой, еоой гущ,
Псэм ыпэ напэ ыIуагъ еоой, еоой, еоой,
Напэ зимыIэм ахэфагъ еоой, еоой, еоой,
Хэкум хабзэ щаухэсэу еоой, еоой, еоой,
Бзэ тимыIэм лъэпкъ тыхъуна еоой, еоой, еоой,
Тибзэ тыджым сыд хъуна еоой, еоой, еоой,
Тыфаем зэдгъэшIэнба еоой, еоой, еоой,
Къатхъоу тижэ датхъына еоой, еоой, еоой,
Тишъхьа тыщытхъоу тызэхэс еоой, еоой, еоой,
Адыгэбзэр зэтымпэс еоой, еоой, еоой,
Дгъэбзэрабзэу хамэбзэр еоой, еоой, еоой,
Дэу зетхьанэ тэ хабзэр еоой, еоой, еоой,
Да зышъхьэпэр бзэр аIо еоой, еоой, еоой,
Хэт узфатхэр къысаIо еоой, еоой, еоой,
Еджэрэ зы щымыIэми еоой, еоой, еоой,
Сэ сигу сыунэкIынба еоой, еоой, еоой.

Унагъо

Хьалыгъу жьэгъугъэм
Лыгъурэу кIыгъум
Ецэгъоу хьаджэр
Хьамэщым ехы.
Икъо нахьыжъэу
Хьамэщым тетым
шъузыщэ лъэIум
шIуфэс ярехы.
Икъо нахьыкIэ
ИкIали кIыгъоу
Гъэмэщы тIэкIоу
ЯщIагъэр къехы.
Нысэ нахьыжъым
Чъэмэр къищыгъэу
Щэр игъэпщтагъэщ
Щатэ тырехы.
Нысэ нахьыкIэм
Саби быдзашъор

къырехыщ кущэм
ИкIэгъ къыкIехы.
Ныожъы быттэр
Пытым кIэхьагъэу
Хьакум из хъугъэ
Яжьэр къырехы.
Адыгэ унагъоу
Унэгъо Iагъом
ИIофхэр мэущтэу
Нафэу зэхехы.
Гъэпсыгъэу хабзэр
НаIощ яшIапхъэ
Яныбжъ фэшъуащэу
ЯIоф къыхахы.
Унэ хъугъакIэу
ЗимыIэм нахьыжъ
Унэгъо Iагъом
Щапхъэ тырахы.