ПщӀэ зыхуэтщӀу, Къэрэшей-Черкесым щыпсэухэ!
Ди гуапэу дывохъуэхъу Хэкум и хъумакӀуэм и Махуэм и щӀыхькӀэ! А махуэшхуэм къегъэлъагъуэ щӀэблэхэр быдэу зэрызэпыщӀар, ди лъэпкъэгъухэм я зауэ текӀуэныгъэхэм дызэрыригушхуэр, иджыри къэс Хэкур зыхъума, ноби зыхъумэ лӀыхъужьхэм пщӀэшхуэ зэрахуэтщӀыр.
Ар ди къэралыр зыхъума, Хэку зауэшхуэм и илъэсхэм лӀыгъэрэ лӀыхъужьыгъэрэ зыхэлъа, интернациональнэ къалэныр зыгъэзэщӀа, нобэ шынагъуэншагъэмрэ хабзэмрэ къызэзыгъэпэщхэм, дауи, Урысейм, абы и щхьэхуитыныгъэм, и къэкӀуэнум папщӀэ зи псэ зыгъэнэхъапэ зауэлӀхэм я фэеплъщ, я фӀыщӀэщ. Нобэ ди гупсысэри ди тхьэлъэӀури СВО-м хэт ди зауэлӀхэм яхуэгъэзащ. Хэкум и хъумакӀуэ щӀэблэщӀэм и зауэлӀ къалэныр щӀыхь пылъу егъэзащӀэ.
Дэ ди дзэ къулыкъущӀэхэм дрогушхуэ икӀи тылым деж я унагъуэхэм дэӀэпыкъуныгъэ ягъэгъуэтынымкӀэ тлъэкӀ къэдгъанэкъым. Къэрэшей-Черкесым сыт щыгъуи я гум илъщ икӀи ягъэлъапӀэ ди къэралым и щхьэхуитыныгъэр зыхъума, зыгъэбыда, жылагъуэм мамырыгъэмрэ зэпӀэзэрытыныгъэмрэ къыщызэгъэпэщыным хэлъхьэныгъэ хуэзыщӀа я хэкуэгъухэм я фӀыщӀэхэр.
Нобэрей махуэр щӀыхь зыпылъ ди тхыдэм и напэкӀуэцӀхэр иджыри зэ дигу къэдгъэкӀыжыным, лӀыхъужьхэмрэ ветеранхэмрэ фӀыщӀэ яхуэтщӀыным, хэкупсагъэмрэ Хэкур фӀыуэ лъагъунымрэкӀэ хабзэр щӀалэгъуалэм пщӀэ яӀэу адэкӀэ пащэным къыхуэгъэушыным щхьэусыгъуэ хурехъу. Ди гуапэу республикэм щыпсэухэм дывохъуэхъу Хэкум и хъумакӀуэм и МахуэмкӀэ! Узыншагъэ быдэ, унагъуэ хуабагъэ, гуфӀэгъуэ, мамырыгъэрэ зэӀузэпэщыныгъэрэ фиӀэну!
ТЕМРЕЗОВ Рэшид, Къэрэшей-Черкес Республикэм и Ӏэтащхьэ ИВАНОВ Александр, Къэрэшей-Черкес Республикэм и ЦӀыхубэ ЗэӀущӀэм (Парламентым) и тхьэмадэ АРГУН Мурат, Къэрэшей-Черкес Республикэм и Правительствэм и тхьэмадэ
Больше на Черкес хэку
Подпишитесь, чтобы получать последние записи по электронной почте.
