Накъыгъэм (майм) и 25-м волейболымкIэ хэгъуэгупсо зэпеуэ Хьэбэз къуажэм щекIуэкIащ, илъэс къэс къызыхузэрагъэпэщ щIалэ щыпкъэ, ДыщэкI Рустам и фэеплъу.
Зи фэеплъыр яхъумэ щIалэр спортым жыджэрагъ хэлъу пыщIат, зигъасэу щытащ баскетболкIи, бокскIи, волейболкIи, футболкIи. Сыт хуэдэ спорт лIэужьыгъуэми къыхэлыдыкIт, спортсмен зэчиифIэт. Узыншэу дунейм тетын зэрыхуейр и къыхуеджэныгъэ нэхъыщхьэу псэуащ. Нэхъыбэу фIылъагъуныгъэ зыхуиIар волейбол спорт лIэужьыгъуэрат…
Мыгъэрей фэеплъ спорт зэхьэзэхуэм командий хэтащ: Къэрэшей-Черкес, Адыгей республикэхэм, Краснодар, Ставрополь крайхэм къабгъэдэкIауэ.
ЗэпэщIэтыныгъэхэр хуабжьу гуащIэу, командэхэм ерыщагъ къагъэлъагъуэу екIуэкIащ. ИкIи, япэ увыпIэр Ставрополь, етIуанэр Карачаевск къалэхэм, ещанэр Ставрополь гуащIэдэкIымкIэ Министерствэм яхьащ.
ТекIуэныгъэр къэзылъэщахэр ягъэлъэпIащ медалхэмкIэ, кубокхэмрэ ахъшэкIэрэ.
Саугъэт щхьэхуэкIэ къыхагъэщащ волейболист нэхъыфIу зэпеуэм зыкъыщызыгъэлъэгъуахэр: Проскурин Леонид («Самый ценный игрок»), Авраменко Константин («Лучший нападающий»), Порублев Данил («Лучший защитник»), Кулиев Максат («Лучший блокирующий»), Басов Дмитрий («Лучший связующий»), Джумабаев Сабир («Лучший подающий»).
Спорт зэхьэзэхуэр зи фэеплъу зэхаша щIалэм и Iыхьлыхэм къабгъэдэкIыу ДыщэкI Рэшид фIыщIэ ин яхуищIащ зэпеуэр къызэгъэпэщыным хэлIыфIыхьахэм, абы къекIуэлIа командэхэм, къэзыпщытахэм, гъэсакIуэхэм.
ЖыпIэнурамэ, зэпеуэр къызэзыгъэпэщахэм ящыщщ езы ДыщэкI Рэшиди. КъинэмыщIауэ, КъЧР-м волейболымкIэ и Федерацэр.
АБИДОКЪУЭ Люсанэ
Больше на Черкес хэку
Подпишитесь, чтобы получать последние записи по электронной почте.
