ЕЧЗЭЧ Мусэ,
КъЧР-м и ЦIыхубэ ЗэIущIэм (Парламентым) и тхьэмадэм и
къуэдзэ, Дунейпсо абхъаз-абазэ конгрессым и Ищхьэ Советым и тхьэмадэ: «Ди къэралым и псэ къуэпсхэщ»
ЦIыхубэ зэкъуэтыныгъэм и Махуэм, Урысейм и Президент Путин Владимир Iэпэ щIидзащ къэрал махуэшхуитI къэгъэщIыным теухуа унафэхэм. Ахэр яхьэлIащ УФ-м щыпсэу лъэпкъ мащIэхэм я Махуэмрэ (мэлыжьыхьым и 30-м) Урысейм щыпсэу лъэпкъхэм я бзэхэм я Махуэмрэ (фокIадэм и 8-м) — Гамзатов Расул къыщыхъуа махуэм.
Мы унафэм купщIэ ин иIэщ. Урысейр — лъэпкъ щэ бжыгъэм я зэхуэдэ унэщ, дэтхэнэ бзэри, хабзэри — абы и псэ къуэпсым щыщщ. Ди къэралышхуэм анэдэлъхубзэу, диалекту 270-м щIигъу щыIэщ. Абыхэм ящыщщ нобэ нэрыбгэ мин 50-м щIигъу зэрыпсалъэ абазэбзэри. А бзэхэр хъумэныр, зегъэужьыныр — Урысейм щыпсэу лъэпкъхэр, абыхэм я щхьэхуэныгъэр, щэнхабзэ щӀэиныр хъумэным и лъабжьэщ.
Ар щыхьэт тохъуэ: лъэпкъ щхьэхуэныгъэр, лъэпкъ зэгурыӀуэныгъэр гъэбыдэным хуэгъэза гуащӀэр къэрал политикэм и курыкупсэм зэритым. Махуэшхуэхэр лъэпкъ зэкъуэтыныгъэм и Махуэм теухуауэ зэрагъэувам мыхьэнэшхуэ иIэщ. Урысейм и къарур — абы и зэмылӀэужьыгъуагъращ, дэтхэнэ лъэпкъми, псалъэми пщӀэ зэрыхуищӀращ. Ди къэралым и щэнхабзэ гъуэзэджэр, бзэ щӀэиныр хъумэным хуэгъэза гъуэгум иджыри зы лъэбакъуэ узыншэ хуэхъунущ мы махуэщӀхэр.
Зыгъэхьэзырар ДЗЭМЫХЬ Маринэ
Больше на Черкес хэку
Подпишитесь, чтобы получать последние записи по электронной почте.
