Ди хэгъуэгум щыщ 34-нэ гвардейскэ мотострелковэ бригадэм дрогушхуэ

Къэрэшей-Черкесым и Iэтащхьэ Темрезов Рэшид ди хэгъуэгум и 34-нэ мотострелковэ бригадэм зэрыреспубликэу ди щхьэр ину зэрыдигъэлъагъужым теухуа хъыбар интернет зэпыщIэныгъэхэм щиIэ напэкIуэцIхэмкIэ дыщигъэгъуэзащ.
«Ди хэгъуэгум щыщ 34-нэ гвардейскэ мотострелковэ бригадэм дрогушхуэ!
Курск лъэныкъуэмкIэ щыIэ урысеидзэм и пакIэхэм языхэзым зэреблэгъа Iуэхугъуэм ипкъ иту, Урысей Федерацэм и Президент — Ищхьэ Главнокомандующэ – Путин Владимир Курск унэтIыныгъэмкIэ щыIа зэхэуэ-
хэм нэхъыфIу зыкъэзыгъэлъэгъуа подразделенэхэм ящыщу къыхигъэщащ 34-нэ гвардейскэ мотострелковэ бригадэр. Президентым жиIащ «иужьрей зэманым, псомхуэмыдэу, иужьрей тхьэмахуэм, бригадэр хуабжьу жы-джэру и къалэнхэм зэрыпэрытар».
Урысейм IэщэкIэ узэда и Къарухэм я Генеральнэштабым и унафэщI, зыхъумэжыныгъэмкIэ министрым ияпэ къуэдзэ Герасимов Валерий къита докладым зэры-щигъэнэIуамкIэ, хылъэсыдзэм щыщ 155-нэ брига-
дэм Никольскэ унэтIыныгъэмкIэ щригъэкIуэкIа ебгъэрыкIуэныгъэм и фIыщIэкIэ, Малая Локня щIыпIэм ищхъэрэкIэ гупышхуэ зэрыгъэхъуа бийр къаухъуреихьащ. ИужькIэ 34-нэ мотострелковэ бригадэм, нэгъуэщI
пакIэхэр ящIыгъуу, Малая Локня, абы къекIуалIэ щIыпIэхэр хуит къащIыжащ. Биидзэм щыщхэр куэду хагъэщIащ.
ЖыIэпхъэщи, куэд щIакъым, 2024 гъэм и дыгъэгъазэ мазэм, бригадэм хэтхэм Хэкумрэ къэралым и хьэлэмэтхэмрэ лIыгъэрэ хахуагъэрэ къагъэлъагъуэу зэрахъумэм папщIэ, Урысейм и Президентым Унафэ къихьащ брига-
дэм щIыхь зыпылъ «гвардейскэ» фIэщыгъэцIэр хуагъэфэщэну.
Зауэ операцэ хэхар зэрырагъэкIуэкIрэ 34-нэ бригадэм хэт зауэлIхэм мызэ-мытIэу я лIыхъужьыгъэр, Хэкум псэемыблэжу къулыкъу зэрыхуащIэр къагъэлъэгъуащ,
икIи, си фIэщ мэхъу, абыхэм я хэкупсагъэр иджыри наIуэ хъунущ.
Къэрэшей-Черкесым щыпсэухэмрэ бригадэм хэт зауэлIхэмрэ куэд щIауэ зэхущытыкIэ гуапэр яку дэлъщ. Подразделенэм щыщхэр жыджэру ди хэгъуэгум и гъащIэм хэтщ, зауэ-хэкупсэ гъэсэныгъэр щIалэгъуалэм драгъэкIуэкI. Республикэм щыпсэухэращи, къэрал властым, жылагъуэ зэгухьэныгъэхэм къакIэрымыхуу фронтым щыIэ зауэлIхэм ялъэкIымкIэ зыщIагъакъуэ.
Къэрэшей-Черкесыр ди зауэлIхэм къагъэлъагъуэ лIыхъужьыгъэм, псэкъару мыкIуэщIым, ехъулIэныгъэхэм иропагэ, ироин.
ТекIуэныгъэр дыдеинущ!» — щитхащ Интернет зэпыщIэныгъэхэм щиIэ напэкIуэцIхэм ди республикэм и lэтащхьэм