ДэIэпыкъуэгъу десант

ПсапащІэ, дэІэпыкъуныгъэ Іуэхур еджэным къыкІэрымыхуу, зэдэгъэкІуэныр хабзэфІ хуэхъуащ Черкесск къалэм дэт Ищхъэрэ-Кавказ къэрал академием. Езым и дапІэ лабораторэ къызэрагъэпэщауэ, зауэлІхэм зэманым тегъэпсыхьа щыгъынхэр, тепІэнщІэлъынхэр хуад. Ахэр псори егугъуу ашычхэм ирагъэзагъэурэ, щхьэж и унэтІыпІэкІэ зэбграгъэкІ.

КъинэмыщІауэ, академием хабзэфІ щыхъуащ и студентхэр Тэн-Іут-Ростов госпиталым кІуэуэ, абы щылажьэ дохутырхэм ябгъурыту, уІэгъэ хъуауэ зауэ сымаджэщым щІэлъ сэлэт-хэм, зауэлІхэм яІэзэныр. СВО-р зэрекІуэкІ илъэсищым къриубыдэу, Ростов дэт сымаджэщым СКГА-м и сту¬дент десант 33-рэ щыІащ. Ахэр — пщІэншэу, уасэншэу сымаджэщым щылажьэ волонтер-медикхэщ.

Мис иджы дыдэ, академием ІукІри, сымаджэщым иунэтІащ иджыри зы волонтер гуп. Абы хэтщ етхуанэ курсым щеджэ студенти 10. Абыхэм я практикэр госпиталым щрахьэ-кІынущ икІи, шэч хэлъкъым, дяпэкІэ зэрылэжьэну ІэщІагъэр нэхъри зрагъэхъулІэным сэбэпышхуэ хуэхъунущ. ИпэкІэ мы гос-питалым щылэжьа студентхэми яхуэдэу, мы гупым хэтхэми уІэгъэ зытелъ сымаджэхэм
дэІэпыкъуныгъэ ирагъэгъуэтынущ, операцэ щащІкІэ езыхэри дохутырхэм ящІыгъунущ, уІэгъэхэр япхэнущ, мастэ халъхьэнущ, зауэлІхэм реабилитацэ Іуэхухэр драгъэкІуэкІынущ.
Апхуэдэу, лъэныкъуэ къэс мыпхуэдэ дэІэпыкъуныгъэ Іуэхум и сэбэп хэлъщ: гос-питалым и дохутырхэм дэІэпыкъуныгъэ жьыІурыхьэгъуэ ягъуэт, сымаджэхэм къалъэІэс медицинэ дэІэпыкъуныгъэр нэхъыбэ мэхъу, студентхэм яджар практикэкІэ щІагъэбыдэж, хэхауэ зауэ-губгъуэ хирургие, медицинэ Іуэхум нэхъри хогъуазэ.
— 2022 гъэм и мэкъуа¬уэгъуэм щегъэжьауэ, тхьэмахуитІ къэс зы гуп, нэрыбги 10-12 хъууэ Тэн-Іут-Ростов дэт госпиталым доунэтІ. Гъуэгум сыхьэти 6 тетынущ. Нэса нэужь, щхьэж зыщылэжьэну къудамэхэр
хуагъэнэІуэнущи, тхьэмахуитІкІэ абдеж практикэ щрахьэкІынущ. Къапщтэмэ, тхуэней — хэнейрэ госпиталым щылэжьа яхэтщ.
Дыгъэгъазэ мазэ лъандэрэ ди десантхэр щыІакъым госпиталым, сессиехэм, каникулхэм къыхэкІыу. Иджы, мис, 33-нэ ежьэгъуэр гъуэгу тыдогъэхьэ. Гъуэгу махуэ, ІуэхуфІ! — жеІэ академием и ректорым.