Медногорск жылагъуэм щыщ Копыринхэ Галинэрэ Юрэрэ илъэс кIуам ягъэлъэпIащ я налмэс юбилейр — илъэс 60 хъуауэ зэрызэдэпсэур. Апхуэдиз илъэс бжыгъэ къызэрызэдагъэщIауи, зэщхьэгъусэхэм яхузэфIэкIащ я лъагъуныгъэмрэ я зэхущытыкIэ гуапэхэмрэ къызэтрагъэнэн.
Абыхэм я зэхущытыкIэхэм я тхыдэ тхылъыр тхыныр къыщIадзащ 1959 гъэ жыжьэм, Къэзахъстаным и
Петропавловск къалэм. Зэщхьэгъусэ хъунухэр зы еджапIэм щIэст. Езы Юрэ зыкъызэриумысыжымкIэ, Галинэ зэрыIуплъэу, къыгурыIуащ а бзылъхугъэ IэмащIэ-лъэмащIэ дахащэ цIыкIум нэгъуэщI лъагъуныгъэ зыхуищIын дунейм зэрытемытыр.
— Юрэ сэр нэхърэ илъэскIэ нэхъыжьт, е 9-нэ классым щеджэт. Ди классым щIэст абы и ныбжьэгъур
икIи увыIэгъуэ имыIэу ди деж ныщIыхьэт, — мэдыхьэшх Галинэ Ивановнэ. — иСэ си пщIыхьэпIи къыхэ-
хуэтэкъым абы и «нэIэ къыстридзауэ»! Галинэ пщащэ щэху, зэтеубыда цIыкIут, Юрэ и щэныр абы къыпэщIэувэу
нэгъуэщIт. «Жьым тесу псым епыдж» щIалэ цIыкIур еджапIэм деж псоми къыщацIыхут – ар спортым дихьэхт,
хорым уэрэд щыжиIэт, къафэхэм деж абы пщэрылъ къыхуащIт жэуаплыгъэ зыпыщIа Iуэхур – радиорубкэм щIэтыну. Юрэ техникэри фIыуэ илъагъут. Ар фIыуэ еджэт, ауэ и Iэдэбыр нэхъыфIхэм ящыщтэкъым.
(Тхыгъэр «ЧХ»-м и №6 къыдэкIыгъуэм итщ.
Больше на Черкес хэку
Подпишитесь, чтобы получать последние записи по электронной почте.
