«Продолжительная и активная жизнь» лъэпкъ проектым хыхьэ «Модернизация первичного звена здравоохранения» хэгъуэгу программэм ипкъ иту, Къэрэшей-Черкес Республикэм медицинэ оборудованэщIэ къыIэрыхьэн щIидзащ. Апхуэдэу, мы илъэсым республикэм зэманым екIу медицинэ оборудованэщIэу 9 къыхэхъуэнущ. Абы хэтщ тхьэмбылым искусственнэу жьы зэрырагъашэ аппаратыр, УЗИ зэращI системитI, бгъэгум зэреплъ флюорографическэ системитI, цифрэ щытыкIэм иту къэзыгъэлъагъуэ маммографическэ рентген стационар системэхэр, лаораторэм къыщагъэсэбэп автоматическэ аппаратыр. Ди республикэм узыншагъэр хъумэнымкIэ и IуэхущIапIэхэм цIыхухэм ирагъэгъуэт Iуэхутхьэбзэхэм я фIагъыр хэгъэхъуэнымкIэ а технологие пэрытхэр сэбэпышхуэ хъунущ. Езы жылэми и гъащIэр иригъэфIэкIуэнущ, хэгъуэгум и инфраструктурэри игъэбыдэнущ. Мы Iуэхугъуэр лъэпкъ проектхэр зыхуэунэтIа нэщэнэхэм хуэкIуэнымкIэ лъэбакъуэ лъэщщ. ТехникэщIэр республикэм зэIэзапIэ-профилактикэ мыхьэнэ зиIэ и медицинэ IуэхущIапIэхэм иратынущ. Куэд мыщIэу оборудованэщIэхэр зэтрагъэпсыхьынущи, зэуи ирилэжьэн щIадзэнущ.
Больше на Черкес хэку
Подпишитесь, чтобы получать последние записи по электронной почте.
