«УцIэрымыIуэщ, ауэ уи хахуагъэр уахътыншэщ» — тетхащ Кремль Блыным и Iэгъуэу щыт фэеплъым – Сэлэт ЦIэрымыIуэм и кхъэм.
Совет сэлэт мелуани 5,5-рэ кхъэм щIалъхьащ цIэрымыIуэу. Урысей Федерацэм и лъыхъуакIуэ зэщIэхъееныгъэм адэкIи пещэ и лэжьыгъэм – Хэкум и хъумакIуэхэм я хьэдэхэр къегъуэтыжри, иужьрей екIуэлIапIи яретыж.
Жагъуэ зэрыхъущи, абыхэм ящыщ куэд зэрыцIэрымыIуэу къонэ. Мы гъэм къэдгъуэтыжри хабзэм тету щIэтлъхьэжащ зауэлI 11-м я хьэдэхэр. Ахэри цIэрымыIуэщ. Нобэ ди щхьэр яхудогъэщхъ зи цIэхэр зэгуэрми ямыцIыхужынкIэ хъуну, ауэ зи кIуэдыкIэр тхыдэм къыхэнахэм.
Урысейм ецIыхуж и лIыхъужь псори: Хэку зауэшхуэм и фронтхэм, Афганистаным, зауэ операцэ хэхам, IэщэкIэ узэда нэгъуэщI зэпэщIэувэныгъэхэм зи псэр щызытахэм я лIыхъужьыгъэр. Хэкум и хъумакIуэ хахуэхэм я гъащIэр ятащ ди Хэкум и къэкIуэнумрэ дэрэ щхьэкIэ. Фэеплъ мыкIуэщI — хэкIуэдахэм! Ди щхьэр яхудогъэщхъ – ветеранхэмрэ иджырей хъумакIуэхэмрэ, адэшхуэхэмрэ адэхэмрэ я лIыхъужьыгъэр пащэу, Хэкум щIэзэуахэм, щIэзэухэм. ЩIыхь Хэкум и лIыхъужьхэм, зи цIэхэр хэIущIыIухэми цIэрымыIуэхэми!
Больше на Черкес хэку
Подпишитесь, чтобы получать последние записи по электронной почте.
