«Это было в Черкесске» тхылъыр зи Iэдакъэм къыщIэкIа Михайлов Игорь республикэ къалащхьэм и еджакIуэхэм яIущIащ Черкесск дэт е 19-нэ гимназием и хэщIапIэм. ТхакIуэр къытепсэлъыхьащ тхылъым и къежьапIэ хъуам, ар зэрызэхигъэувам, абы ит тхыгъэхэр зэрызэхуихьэсам. ЗэIущIэм къеблэгъащ КъЧР-м и Жылагъуэ палатэм и унафэщI Ляшовэ Еленэ, Николай Чудотворец и члисэм и динырылажьэ Гурин Александр, къалэ думэм и депутат Дзугаев Альберт, Черкесск къалэм и ветеранхэм я Советым и тхьэмадэм и къуэдзэ Апсэ Альберт, егъэджакIуэхэмрэ класс нэхъыжьхэм я еджакIуэхэмрэ. Къэрэшей-Черкесым и къалащхьэм и тхыдэм теухуа мы тхылъыр илъэситIкIэ узэIэбэкIыжмэ дунейм къытехьауэ щытащ. Урысейм и журналистхэм я Союзым хэт, Черкесск къалэ думэм и депутат, щIэ ныгъэхэм я кандидат Михайлов Игорь мы тхылъыр зэхэгъэувэным илъэсихкIэ елэжьащ.
Больше на Черкес хэку
Подпишитесь, чтобы получать последние записи по электронной почте.
