«Большой этнографический диктант» Урысейпсо узэщӏыныгъэ акцэр здыщекlуэкӏа утыкухэм ящыщ зы хъуащ Арэшыкъуэ Рафаел и цӏэр зезыхьэ Хьэбэз курыт еджапӏэр.
Мы илъэсым епщӏанэрейуэ екӏуэкӏ ӏуэрытхым хэтащ республикэ «Адыгэ Хасэм», «Черкес хэку»-м, «Черкесский культурный центр»-м къабгъэдэкӏа лӏыкӏуэхэр, районым и егъэджакӏуэхэр, еджакӏуэхэр.
Республикэм щекӏуэкӏ Ӏуэрытхыр зи жэрдэмыр КъЧР-м лъэпкъ ӏуэхухэмкӏэ, цӏыхубэ коммуникацэхэмрэ печатымрэкӏэ Министерствэращ, гъэзэщӏакӏуэр «Смысловой центр» ӏуэхущӏапӏэращ.
Республикэм япэ дыдэ этнокласс къызэзыгъэпэща Шэрджэс Расьят и нэӏэ щӏэту ӏуэрытхыр екӏуэкӏащ, езым иригъаджэ ныбжьыщlэ цӏыкӏухэри ӏуэхум къыхишащ.
Фигу къэдгъэкӏыжынщи, этнографическэ ӏуэрытхыр — Урысейм щыпсэу лъэпкъхэм я щэнхабзэм, я щыӏэкӏэ-псэукӏэм щыгъуазэ зыщӏ узэщӏыныгъэ проектщ. Илъэс къэс ирагъэкӏуэкӏ акцэм и мурад нэхъыщхьэр — урысей щэнхабзэм и къулеягъым гулъытэ хуегъэщӏынращ.
Больше на Черкес хэку
Подпишитесь, чтобы получать последние записи по электронной почте.
