Урысей Федерацэм шынагъуэншагъэмкӀэ и федеральнэ къулыкъум Къэрэшей-Черкесым щиӀэ и Гъунапкъэхъумэ Уп-равленэм хэгъуэгум щыпсэухэм хъыбар ярегъащӀэ ди къэралым балигъыпӀэм имыува и ныбжьыщӀэхэр абы и щӀыналъэм зэрикӀ хабзэхэмрэ гъунапкъэм зэрызэпрыкӀ щӀыкӀэмрэ яхьэлӀауэ.
2026 гъэм щӀышылэм и 20-м къыщыщӀэдзауэ къару игъуэтынущ Урысей Федерацэм и Хабзэм халъхьа зэхъуэкӀыныгъэхэм. Абыхэм япкъ иту, илъэс 14 зи ныбжь мыхъуа ныбжьыщӀэхэр Урысей Федерацэм и къэрал гъунапкъэм зэпры-кӀынымкӀэ хуитыныгъэ къезыт, ахэр зихуэдэр къэзыгъэлъагъуэ дэфтэрхэм я переченым сабийр дунейм къыщытехьам кърата тхылъыр (свидетельство о рождении) хагъэкӀынущ.
ЗэхъуэкӀыныгъэхэр къыщыгъэлъэгъуащ 2025 гъэм бадзэуэгъуэм и 23-м къыдагъэкӀа «Урысей Федерацэм и къэрал гъуна-пкъэм и ӀуэхукӀэ» Урысей Федерацэм и Хабзэм и е 9-нэ, 30-нэ статьяхэмрэ «Уры-сей Федерацэм и щӀыналъэм икӀынымрэ къихьэжынымрэ я ӀуэхукӀэ» федеральнэ Хабзэмрэ зэхъуэкӀыныгъэхэр хэлъхьэным и ӀуэхукӀэ» жыхуиӀэ, зи №257 федеральнэ Хабзэм. Зи ныбжьыр илъэс 14-м нэмыса ныбжьыщӀэр ди къэралым икӀыу хамэ къэрал кӀуэн папщӀэ, абы иӀыгъын хуейщ УФ-м и цӀыхуу зэрыщытым щыхьэт техъуэ дэфтэрыр — хамэ къэрал паспортыр (загранпаспорт).
Апхуэдэ унафэр къыщокӀуэкӀ дэтхэнэ дунейпсо унэтӀыныгъэми, апхуэдэщ япэм цӀыхур дунейм къызэрытехьам (свидетельство о рождении) щыхьэт техъуэ тхылъымкӀэ здэкӀуэфу щыта къэралхэри. Сабийм и дэфтэрыр зыгъэхьэзырыр абы и адэ-анэр е хабзэкӀэ щӀэгъэбыдыхьауэ абыхэм къабгъэдэкӀа лӀыкӀуэращ.
Урысейм и цӀыху, зи ныбжьыр илъэс 14-м нэмыса ныбжьыщӀэр 2026 гъэм щӀышылэм и 20-м нэс хамэ къэралым щыӀамэ икӀи зэхъуэкӀыныгъэхэм къару щагъуэтам иужькӀэ къэкӀуэжамэ, абы Урысей Федерацэм и къэрал гъунапкъэр зэпичыфынущ къызэралъхуамкӀэ щыхьэтлыкъ дэфтэрымкӀэ.
ЦӀыхухэм дыволъэӀу 2026 гъэм щӀышылэм и 20-м иужькӀэ хамэ къэрал фыкӀуэн (январым) фи мурадмэ, мы хъыбарыр къыхэфлъытэну.
Урысейм и ФСБ-м Къэрэшей-Черкес Республикэм щиӀэ и гъунапкъэхъумэ Управленэм и пресс-къулыкъу
Больше на Черкес хэку
Подпишитесь, чтобы получать последние записи по электронной почте.
