«Зыуэ щыт Урысей» партым и хэгъуэгу къудамэм жылагъуэм дэIэпыкъуныгъэ егъэгъуэтынымкIэ и Штабым гуфIэгъуэ гъэпсыкIэм иту дауэдапщэ гуапэхэр къызэригъэпэщащ анэм и Махуэм. Абы кърагъэблэгъащ Къэрэшей-Черкесым каратэмкIэ и Федерацэм хыхьэ еджапIэхэмрэ секцэхэмрэ щIэс цIыкIухэмрэ абыхэм я анэхэмрэ. ЗэIущIэр егъэкIуэкIынымкIэ щIэгъэкъуэн хъуащ «Сабий спорт», «Зыуэ щыт Урысейм и бзылъхугъэ зэщIэхъееныгъэ» парт проектхэр.
Спортсмен ныбжьыщIэхэм я анэхэм яхъуэхъумэ я гуапэу къахуеблэгъащ КъЧР-м и ЦIыхубэ ЗэIущIэм (Парламентым) и депутатхэр — «Зыуэ щыт Урысей» хэгъуэгу къудамэм и исполкомым и унафэщI Джамбаев Руслан, «Зыуэ щыт Урысейм и бзылъхугъэ зэщIэхъееныгъэ» парт проектым и хэгъуэгу координатор Къардэн Фатимэ, республикэм каратэмкIэ и Федерацэм и президент Айбазов Аслъэн сымэ. «Анэм и Махуэр тлъытэ хъунущ ди къэралым махуэщIу иIэхэм я нэхъыщхьэ дыдэу.
Фэ — анэхэм псэм щыщ IыхьэкIэ фи быным фыдэгуашэу, абы хуэфщIэр ффIэмащIэу фопсэу. «Зыуэ щыт Урысей» партым адэкIи хузэфIэкI къимыгъанэу ищIэнущ сыт щыгъуи фыкъызэрытщыгугъ хъунур зыхэфщIэн икIи фи къэкIуэнур фIыуэ зэрыщытынум шэч къытевмыхьэн папщIэ. Тхьэм псэуныгъэ быдэ къывит, фыгуфIэрэ фытхъэжу куэдрэ фигъэпсэу, фи цIыкIухэм я ехъулIэныгъэ, текIуэныгъэ куэдымфыхигъаплъэ», — жиIащ Джамбаевым.
Къардэн Фатимэ псалъэ щратым жиIащ каратистхэм я анэхэм клуб къыхузэIуахын зэрамурадыр, ар езыр зи унафэщI парт проектым зэфIих Iуэхухэм языхэзу зэрыщытынур, абдеж партым жылагъуэ-бэдаущ гъащIэми, иригъэкIуэкI акцэхэми, проектхэми анэхэр зэрыхэтыфынур. «Сабий спорт» проектыр зыхуэгъэпсар цIыкIухэм ядэлэжьэн закъуэракъым. Айбазов Аслъэн зэрыжиIащи, абы и гулъытэр яхуэгъэзащ спортым зегъэужьыным хэлъхьэныгъэ хуэзыщI адэ-анэхэми.
Псоми ягухэр къызэфIигъэнащ зауэ операцэ хэхам нобэкIэ щыIэ, каратэм кIуэ пщащэм и адэм къригъэхьа видеом. Абы анэ хъуну насып зыгъуэта дэтхэнэ зыми хъуэхъу дахэкIэ захуигъэзащ, зэIущIэр здекIуэкI пэшым щIэс и анэм зыхуигъазэри фIыщIэ хуищIащ зэрипIам, цIыху нэсу къызэригъэтэджам папщIэ, икIи игъэгуфIэн и мураду къыхуригъэхьа удз гъэгъар Айбазов Аслъэн IэщIилъхьэжащ. Гагарин Юрий и цIэр зезыхьэ, гъуазджэм зегъэужьынымкIэ Купсэм и егъэджакIуэ Мхитарян Ангелинэ и деж зыщызыгъасэ уэрэджыIэ ныбжьыщIэхэм махуэщIыр ягъэдэхащ гур къызэщIэзыIэтэ зыкъэгъэлъэгъуэныгъэхэмкIэ.
ЛЫХЬ Тимур
Больше на Черкес хэку
Подпишитесь, чтобы получать последние записи по электронной почте.
