ДЖУМАЕВ Мырзэбэч Хьэзиз и къуэр Икон-Хьэлъкъ къуажэм къыщыхъуащ 1922 гъэм щIышылэм и 15-м. Дзэ Плъыжьым ираджащ 1943 гъэм и гъатхэпэ мазэм. Хуит къищIыжащ Батайск, Тэн-Iут-Ростов, Шахты, Курск, Смоленск, Переяславль, Витебск, Полоцк, Богушевск, Борисов, Молодечко, Лидэ къалэхэр. Иужьрей къалэм Мырзэбэч хьэлъэу къыщауIэри, уIэгъэщым щIэлъащ. Абы иужь и дзэ пакIэм игъэзэжри, аргуэру хуит къищIыжащ Гродно къалэр, Прибалтикэр, Польшэм и къалэхэмрэ къуажэхэмрэ.
1944 гъэм жэпуэгъуэм и 21-м Джумаев Мырзэбэч зыхэт 32-нэ шуудзэ дивизэм унафэ къыхуащIащ СССР-м и къэрал гъунапкъэм зэпрыкIыу, нэмыцэ щIыналъэм ихьэну, КъуэкIыпIэ Пруссием и япэ къалэр – Гольддап бийм къыIэщIагъэкIыну. Совет сэ-
лэтхэр куэд щIауэ зыщIэхъуэпс гугъапIэ IэфIыр – нэмыцэ хьэкIэкхъуэкIэр совет щIыналъэм ирадзыжу езым и гъуэм щраукIыхьыжыныр щIидзэну и насып къихьащ 32-нэ шуудзэ дивизэм хэт полкым. «От Волги до Эльбы» тхылъыр
зи IэдакъэщIэкI Добрушин Д. къызэрыхигъэщыжымкIэ, Джумаев Мырзэ-
бэч лIыгъэшхуэ зэрихьащ: и эскадроным хэту зэхикъутауэ щытащ ди дзэхэм я щIыбагъым къыдыхьэну пылъа
диверсионнэ гупыр. АбыкIэ абы къызэтригъэнащ дивизэм и ветеринар лазаретыр.
Добрушин игу къегъэкIыж Ставрополь крайм къикIа саугъэтхэр зэрылъ вагонхэр 32-нэ шуудзэ диви-
зэм къызэрыIэрыхьар. Саугъэтхэр зэхуахьэсат крайм и гуащIэрыпсэухэм. Я хэкуэгъухэм я дэIэпыкъуныгъэм
ахэр нэхъри тригъэгушхуащ нэмыцэ фашистхэр зэхакъутэу, ТекIуэныгъэр къагъэгъунэгъуным…
Джумаев Мырзэбэч и зауэ, мамыр нагъыщэхэр: Хэку зауэ Иным и орденым и япэ нагъыщэр, «За отвагу»,
«За боевые заслуги», «За Победу над Германией в ВОВ 1941-1945 гг.», «За взятие Берлина», «За освобож-
дение Варшавы», «Ветеран труда», юбилей медалхэр.
САМДИНОВЭ Светланэ,
ветераным и пхъурылъху
Больше на Черкес хэку
Подпишитесь, чтобы получать последние записи по электронной почте.
