Год: 2026

Зи ныбжьыр илъэс 15-м нэмыса спортсменхэр зыхэта, Iэхуитлъэхуит бэнэкIэмкIэ Европэм пашагъэр къыщыхьыным хуэгъэза спорт зэхьэзэхуэ ин накъыгъэм и 22-24 махуэхэм Болгарием хыхьэ Самоковэ къалэм щекIуэкIащ. Абы къекIуэлIащ къэрал пщIы бжыгъэм къабгъэдэкIа бэнакIуэхэр. Ди гуфIэгъуэшхуэм щIэту, Къэрэшей-Черкес Республикэм щыщ, Урысейм и командэ къыхэхам хэта бэнакIуэм – Хьэбэз районым зыщызыгъасэ ХЬЭЖМЭСТАФЭ Аслъэн домбеякъ медалыр зэпеуэм къыщилъэщащ. Аслъэн…

НАКЪЫГЪЭМ (майм) и 24-27 махуэхэм Армением и къалащхьэ Ереван щекIуэкIа, Европэм грэпплинг UWW (официальнэ версие) спорт лIэужьыгъуэмкIэ и чемпионатымрэ пашагъэр къэхьынымрэ хуэгъэза спорт зэхьэ зэхуэ иным дыщэ медалкIэ къыхэжаныкIащ ди лъэпкъэгъу спортсмен лъэрыхь, Черкесск къалэм щыщ ЖЫР Рамил. Зэкъым Рамил и текIуэныгъэхэм ятеухуа тхыгъэ адыгэ газетым къызэрытеддзар. Дрогушхуэ адыгэ-абазэ лъэпкъым къахэкIа спортсмен лъэрыхьым и ехъулIэныгъэ…

Ди къэралым и спортсмен нэхъ лъэрыхь дыдэхэр къыздекIуэлIа, тхэквондо ВТФ спорт лIэужьыгъуэмкIэ Урысейм пашагъэр къыщыхьыным, зи ныбжьыр илъэс 21-м ит пщащэхэри щIалэхэри здызэпэщIэта спорт зэхьэзэхуэ ин накъыгъэм (майм) и 21-24 махуэхэм Люберцы щекIуэкIащ. Дыщэ медалкIэ а зэхьэзэхуэм къыхэжаныкIащ КъэрэшейЧеркес Республикэм къыбгъэдэкIа тхэквондист цIэрыIуэ – ВЫКХЪЭ Амир. Зэуэ жытIэнщи, мы зэпеуэм и гъэлъэгъуэныгъэхэмкIэ ягъэбелджылащ Европей пашагъэр…

МЭЛЫЖЬЫХЬЫМ (апрелым) и 18 — 19 махуэхэм Санкт-Петербург къалэм щекIуэкIа, тхэквондо ITF зи фIэщыгъэцIэ, дунейпсо Кубок зэIухар къэлъэщыным хуэунэтIа спорт зэхьэзэхуэм Черкесск къалэм щыщ спортсменибгъум медаль зэхуэмыдэхэр къыщахьащ. Апхуэдэу, спортсмениплIым – дыщэр, нэрыбгитхум – дыжьын медалыр зыIэрагъыхьащ. Япэ увыпIэмрэ дыщэ медалымрэ къэзылъэщахэр: Адэмокъуэ Рамил, ПIапIшу Арианэ, Дариенко Данил, Текеевэ Аишэ сымэщ. ЕтIуанэ хъуащ, дыжьын медалри…

Илъэс 80 зэрырикъуар игъэлъэпIащ зауэлI-интернационалист, зауэм и ветеран ГЪУКIЭ Данял Ибрэхьим и къуэм. Ар 1946 гъэм мэкъуауэгъуэм и 1-м Беслъэней лIыхъужь къуажэм къыщыхъуащ. А къуажэ цIэрыIуэм дунейм къритащ цIыхушхуэхэр, икIи абыхэм ящыщщ нобэ зи щIыхьыр тIэтыр… Абы и гъащIэ гъуэгур — тхьэлъанэм хуэщыпкъэныр, Хэкум къулыкъу хуэщIэныр псалъэ къудейуэ щымыту, гъащIэм и мыхьэнэуэ къэзылъытэ цIыхум и…

Алиев Умар и цIэр зезыхьэ Къэрэшей-Черкес къэрал университетым махуитIкIэ щылэжьащ «Урысейм щыпсэу лъэпкъхэм я бзэхэр. Абыхэм къапэплъэмрэ я зыужьыныгъэмрэ» щхьэщIэдзапIэм щIэт етIуанэ Урысейпсо щIэнIуатэ конференцыр. ЩIэныгъэгъуазэ зиIэ лэжьыгъэу бгырыс къалэм къыщрахьэжьам хэта мастер-классхэмрэ секцэхэмрэ я IэщIагъэ зэхэщIыкIыр нэгъэсауэ къыщагъэлъэгъуащ Москва, Уфа, Къэзан, Саранск, Грознэ, Махъачкъалэ, Ставрополь, Псыхуабэ, Черкесскрэ Карачаевскрэ къикIа щIэныгъэрылажьэ 250-м. Бзэм и хъумакIуэхэм…