Къэрэшей-Черкесым и щIыпIэ дахэхэм и лэжьыгъэм щригъэжьащ Урысейпсо сабий турист «слёт»-м. Апхуэдэу ди республикэм и Тебэрды къалэ-зыгъэпсэхупIэм иджыкIэ сабии 130-рэ къеблэгъауэ щыхьэщIэщ. Ахэр «Открывай страну. Турклубы» номинацэмкIэ текIуахэращ. НыбжьыщIэхэм Тебэрды лъэпкъ паркыр мызэ-мытIэу къызэхакIухьынущ, ахэр куэдым щагъэгъуэзэнущ.
«Мы дауэдапщэм ипкъ иту псори зэхэту ди республикэм сабий 500-м нэблагъэ хэтынущи, ахэр Урысейм и хэгъуэгу 32-м къабгъэдэкIауэ щытынущ. НыбжьыщIэхэм я пашэщ зэхэщIыкI ин зыбгъэдэлъ туристхэр. Ахэр туризмым теухуауэ яцIыху псомкIи сабийхэм ядэгуэшэнущ. НыбжьыщIэхэм ирагъэцIыхунущ зэрызэхэзекIуапхъэр, гу зылъытапхъэхэр, зэщIыгъуу зэрызэдэлэжьапхъэр. ПрограммэмкъызэщIеубыдэ махуэ бжыгъэкIэ екIуэкI зекIуэхэр, мастер-классхэр, щIыуэпсыр хъумэным хуэгъэза Iуэхугъуэхэр, Урысейм щыпсэу лъэпкъхэм я зэкъуэтыныгъэм и Илъэсу мы гъэр зэрыщытыр и щхьэусыгъуэу къызэрагъэпэщыну «Дружба» фестивалыр.
Дауэдапщэр ирагъэкIуэкI сабийхэмрэ щIалэгъуалэмрэ я «Движение Первых» Урысей зэщIэхъееныгъэм, Къэрэшей-Черкесым щIалэгъуалэ IуэхухэмкIэ Министерствэм, Алиев У. И. и цIэр зезыхьэ Къэрэшей-Черкес къэрал университетым жэуэ. Си гуапэу фIэхъус язох ди хьэщIэгъафIэ республикэм къеблэгъахэм! Дэт хэнэми гукъинэж хуабэхэр, ныбжьэгъущIэхэр, зэхэзекIуэ гъэщIэгъуэнхэр вгъуэтыну! Дауэдапщэм щывгъэкIуэну махуэхэр зэныбжьэгъугъэм, ди республикэмрэ къэрал псомрэ хувиIэ лъагъуныгъэм я тхыдэ къызэрэмыкIуэм и Iыхьэ ирехъу!» — щитхащ и МАХ каналым Къэрэшей-Черкесым и Iэтащхьэм.
Больше на Черкес хэку
Подпишитесь, чтобы получать последние записи по электронной почте.
