Зичэзу е 9-нэ сессиер зэхэтащ

 КъЧРм и ЦIыхубэ ЗэIущIэм (Парламеным) и VII зэхуэшэсыгъуэм и зичэзу е 9-нэ сессиер зэхэтащ. Пленар зэIущIэм и лэжьыгъэм къеблэгъащ респу­бликэм и Iэтащхьэ Темрезов Рэшид. КъЧРм и Парламентым и спикер Иванов Александр и унафэм щIэту парламентарийхэр упщIэ 21м хэплъащ.

 2024 гъэм Къэрэшей-Черкесым и щIыналъэм жылагъуэ Iэдэбыр щыхъумэнымрэ шынагъуэншагъэр къыщызэгъэпэщынымрэ япкъ иту ирагъэкIуэкIа лэжьыгъэм теухуауэ убгъуауэ къэпсэлъащ Къэрэшей-Черкесым къэралкIуэцI IуэхухэмкIэ и министр Нефёдов Владимир.

Абы къызэрыхигъэщамкIэ, къэралкIуэцI IуэхухэмкIэ къулыкъухэм ятелъа къалэнхэр ягъэзэщIащ за­уэ операцэ хэхам ипкъ иту жылагъуэ-политикэ щыты­кIэр зэхатхъуэнкIэ шына­гъуэ зэрыщыIэр Iуэхум къыхэлъытауэ.

ГъерэтыфIэу зэрылажьэм къыхэкIыу, Къэрэшей-Черкесым и Iэтащхьэм фIыщIэ яхуищIащ къэралкIуэцI IуэхухэмкIэ министрымрэ абы и гупымрэ.

Депутатхэр хэдэIуащ Къэрэшей-Черкесым и НэIэ къэзыбж палатэм и лэжьыгъэм теухуауэ абы и тхьэмадэм къищIа къэпщытэжыныгъэм.

АдэкIэ парламентарийхэр хэплъащ «КъэрэшейЧеркес Республикэм и Конституцэм и е 8нэ, 68нэ статьяхэм зэхъуэкIыныгъэ хэлъхьэным теухуа» конституцэ хабзэм и проектым. Хабзэ проек­тыр зэхалъхьащ Урысей Федерацэмрэ Къэрэшей-Черкесымрэ я Конституцэхэр зэтегъэхуэн щхьэкIэ икIи КъэрэшейЧеркес Республикэм и Прокурорым и къыхэлъхьэныгъэкIэ.

Урысей Федерацэм и Конституцэм и 67нэ статьям халъхьа зэхъуэкIыныгъэм ипкъ иту, иджы щхьэхуи­тыныгъэмрэ щIыналъэ зэ­рыIыгъыныгъэмрэ ирагъэбыдылIэжащ Урысей Федерацэм. «Къэрэшей-Черкес Республикэм и щIыналъэ зэрыIыгъыныгъэр» иджы зэрыжаIэр «Урысей Федерацэм хыхьэ КъэрэшейЧеркес Республикэм и щIыналъэ зэрыIыгъыныгъэщ».

АдэкIэ депутатхэр хэп лъащ «Къэрэшей-Черкес Республикэм и хьэкумы­щIэ участкэхэмрэ мировой хьэкумыщIэхэм я IэнатIэхэмрэ къызэгъэпэщыным, гъэкIуэдыжыным ятеухуа» хабзэм халъхьа зэхъуэкIы­ныгъэхэм.

Депутатхэр арэзы къы­техъуащ «Къэрэшей-Черкес Республикэм и Черкесск къалэм и спорт инфраструктурэм и псэуалъэхэм ахъшэ къахуэутIыпщыным, абыхэм я проектхэр зэхэлъхьэным, ахэр ухуэным, къэгъэсэбэпынымрэ техниче­скэ и лъэныкъуэкIэ якIэ лъыплъынымрэ ятеухуа концессионнэ зэгурыIуэны гъэм и проектыр къэщтэным теухуауэ» Къэрэшей Черкесым и ЦIыхубэ ЗэIу щIэм (Парламентым) и Пре зидиумым къихьа унафэм.

ЗэгурыIуэныгъэр зэдащI Къэрэшей-Черкес Республикэм физкультурэмрэ спортымрэкIэ и Министерствэмрэ «Управление спортив­ными проектами» ООО-мрэ.

Мыбдежым и гугъу ящI Черкесск къалэм и ищхъэ­рэ хьэблэм унейкъэрал зэдэщтэныгъэкIэ, 115-нэ Федеральнэ Хабзэм къызэ­рыщыгъэлъэгъуам хуэдэу, спорткомплекс зэрыщау­хуэнум. КъэрэшейЧерке сым физкультурэмрэ спор­тымрэкIэ и министрым и къуэдзэ Тхьэгъэпсэу Ахьмэд гурыIуэгъуэ зэрищIымкIэ, спорт псэуалъэм къызэ щIиубыдэнущ лъакъуэры гъажэ къэжыхьыпIэхэр, кIа псэрыкIуэ паркыр, функцэ куэд зиIэ спорт утхэр, бгы дэкIыпIэхэр (скалодромхэр), административнэ унэр.

ЗэхъуэкIыныгъэхэр халъхьащ «Къэрэшей-Черкес Республикэм и щIыналъэм деж егъэджэныгъэм епха Iуэху щхьэхуэхэм ятеухуа» хабзэм и е 20нэ статьям. Ар ехьэлIащ «Къэрэшей-Черкес Республикэм сыт щыгъуи  щыпсэу цIыху щхьэхуэхэм я унагъуэхэм социальнэ дэIэпыкъуныгъэ ягъэгъуэ­тыным епха Iэмал лейхэм ятеухуауэ КъэрэшейЧер кесым и Iэтащхьэм къихьа унафэр гъэзэщIэным, зауэ операцэ хэхам хэтхэм я сабийхэр къэрал еджапIэ къулыкъущIапIэхэмрэ му­ниципальнэ егъэджэныгъэ IуэхущIапIэхэмрэ пщIэншэу  щыгъэшхэным.

2025 гъэм ягъэуващ цIыхухэм социальнэ хуэIу­хуэщIэхэр пщIэншэу ира­гъэгъуэтын папщIэ цIыху къэс хуэзэу нэхъыбэ ды­дэу къахэхъуэн хуейр зы­хуэдизыр (социально-де­мографическэ гуп нэхъы­щхьэхэм ятегуэшэжауэ):

— лэжьэну лъэкIыны гъэ зиIэ цIыхухэм – сом 27253,5рэ;

— пенсионерхэм – сом 21502,5рэ;

— сабийхэм – сом 24253, 5рэ.

Пленар зэIущIэм иджы­ри зы унафэ къихьащ – КъэрэшейЧеркес Респуб ликэм щагъэуващ сабий куэд зэрыс унагъуэм и Махуэ. Урысей Федерацэм и адрей хэгъуэгухэм ящхьу, унагъуэ быныбэм и Махуэу траубыдэ фокIадэм и ещанэ тхьэмахуэ махуэр.

Зыгъэхьэзырар ДЭБАГЪУЭ Хьэтызэщ