ТекІуэныгъэ Иным и Махуэм хуэкІуэу, Къэрэшей-Черкес Республикэм щыхасэнущ жыгыщІэ мини 10-м щІигъу. Апхуэдэ ІуэхуфІым лъабжьэ хуэхъунущ мэлыжьыхьым и 20-м щегъэжьауэ 30-м нэгъунэ екІуэкІыну «Сад памяти» хэкупсэ акцэр. Абы хэлэжьыхьынущ республикэм щыпсэу цІыху мин 1,5-м щІигъу.
ЖыгыщІэхэр щыхасэнущ муниципальнэ къэхъугъэхэм я зэпылъыпІэхэм деж, мэз фондым егъэщІылІа щІыгухэм. Акцэм и Іуэхугъуэ нэхъыщхьэхэм я егъэкІуэкІыпІэу щытынущ Карачаевск къалэ округым хыхьэ Маркопи жылагъуэм и Іэхэлъахэр.
Илъэси 4-м къриубыдэу, «Сад памяти» акцэм ипкъ иту, республикэм щыхасащ жыгыщІэ мини 100. Жыг къэскІэ зауэм хэкІуэда зауэлІхэмрэ абыхэм я лІыгъэмрэ,
СВО-м хэтхэм яхуэтщІ фэеплъымрэ фІыщІэмрэ я нагъыщэщ. Акцэм хэтынымкІэ, фэеплъым пщІэ хуищІу лэжьыгъэ Іыхьэ хилъхьэнымкІэ республикэм щыпсэу дэтхэнэми лъэкІыныгъэ иІэщ. Абы папщІэ сад-памяти. РФ сайтым зыщІатхэу, жыгыщІэ здыхасэну щІыпІэр ягъэнаІуэмэ зэфІэкІащ.
Больше на Черкес хэку
Подпишитесь, чтобы получать последние записи по электронной почте.
