КъЧР-м и Ӏэтащхьэ Темрезов Рэшид лэжьыгъэ ӀуэхукӀэ ӀущӀащ Черкесск къалэм и мэр Баскаев Алексей. Ахэр тепсэлъыхьащ «эфир занщӀэ»-м ипкъ иту цӀыхухэм къабгъэдэкIа лъэӀухэр зэхэгъэкӀыным.
Нэхъыбэу упщӀэхэр зытеухуар фэтэр куэду зэхэт унэхэм я щытыкӀэращ, пщӀантӀэхэр зэгъэпэщынращ, жылагъуэ транспортращ, пхъэнкӀийхэр игъуэу Ӏухынращ. Баскаев Алексей республикэм и унафэщӀыр щигъэгъуэзащ цӀыхухэм я лъэӀухэр псори зэфӀэхыным яужь зэрихьам. Мэрием и лэжьакӀуэхэмрэ къаӀэта ӀуэхухэмкӀэ жэуап зыхь организацэхэм къабгъэдэкӀахэмрэ зэщӀыгъуу щӀыпӀэхэм кӀуэнущи, цӀыхухэм яӀущӀэнущ. Темрезов Рэшид пщэрылъ яхуищӀащ зыхуэгъэзэныгъэ къэс гулъытэ хэха хуащӀыну, ахэр зэрагъэзэщӀэну пӀалъэхэр, абыхэмкӀэ жэуап зыхьынухэр ягъэбелджылыну. КъинэмыщӀауэ, республикэм и лӀыщхьэм гулъытэ хэха хуищӀащ зэныбжьэгъугъэм и Унэ къызэгъэпэщыным теухуауэ нэхъыжьхэм къабгъэдэкIа зыхуэгъэзэныгъэм. Абы ипкъ иту къалэм и мэрым пщэрылъ хуищӀащ а купсэм ехьэлӀа лэжьыгъэм и ужь ихьэну, апхуэдэуи, жылагъуэ лъэпкъ зэгухьэныгъэхэр щызэӀущӀэфыну, я зэфӀэкӀхэмкӀэ щызэхъуэжэну, щӀалэгъуалэм зэпсэлъэныгъэ щыдрагъэкӀуэкӀыну Черкесск дэт щэнхабзэмкӀэ Унэм республикэм щыпсэу лъэпкъхэм я гъэлъэгъуэныгъэ сыт щыгъуи щызэхашэну. Ди корр.
Больше на Черкес хэку
Подпишитесь, чтобы получать последние записи по электронной почте.
