Минеральные Воды щызэхаублащ Кавказ инвестицэ форумым (КИФ) и лэжьыгъэр. Ар — лэжьыгъэ IуэхукIэ къэралым и утыкум нэхъыщхьэхэм ящыщщ, Урысейм и хэгъуэгухэр, хамэкъэрал лэжьэгъухэр зэкъуэзыгъэувэщ. Илъэс къэс форумым егъэщыпкъэж зы щытыкIэ: Ищхъэрэ Кавказым фIэщхъуныгъэ ин хэлъу экономикэмкIэ пэрыт увыпIэхэм тоувэ.
Ар — зыужьыныгъэм, зэфIэкIхэм здыхэхъуэм, лъэкIыныгъэщIэхэм, щэджащэ инфраструктурэ, турист проектхэм я утыкущ, апхуэдэуи мыхьэнэшхуэ зылэжь транспорт-логистическэ зэпыщIэныгъэщ, къэралыбэ лъэныкъуэгъазэхэр зэпызыщIэщ. Къэрэшей-Черкесыр мы форумым зэрыхэлэжьыхьым и инвестицэ зэ фIэкIхэр утыку ирихьэну лъэкIыныгъэ зэригъуэт закъуэм къыщымынэу, абдеж абы и лэжьэгъу зэпыщIэныгъэхэр щегъэбыдэ, зыдэлэжьэнухэр къегъуэт, къэкIуэну зиIэ проектыщIэхэр иригъэжьэну зэфIэкIхэр къыхукъуокI, трегъэгушхуэ.
Мы гъэм ди республикэм гъэлъэгъуапIэм утыку къыщрихьащ мыхьэнэшхуэ зиIэ къыхэлъхьэныгъэщIэхэр, дяпэкIэ ди хэгъуэгум и ефIэкIуэныгъэм щхьэпэнухэр. «Щхьэхуэу къыхэзгъэщыну сыхуейщ дэ тхуэгъэзауэ стратегическэ мыхьэнэ ин зиIэ проектыр — «Архъыз» кхъухьлъатэтекIыпIэ комплексыр ухуэныр. А проектым илъэс зыбжанэкIэ узэIэбэкIыжмэ къегъэжьапIэ хуэхъуауэ щытащ КИФ утыкур. НобэкIэ ухуэныгъэхэр едгъэжьагъэххэщ. А про ектыр гъэзэщIэным дэ хуабжьу ипэкIэ дигъэкIуэтэнущ, хэгъуэгум и туризм, экономикэ зыужьыныгъэ я лъэныкъуэкIэ. Си фIэщ мэхъу, Кавказ инвестицэ форумым дызэрыхэтым дэ къытхузэригъэпэщынущ зэгурыIуэныгъэщIэхэр, инвестицэщIэ къетшэлIэныр, республикэм щыпсэухэм папщIэ лэжьапIэ IэнатIэщIэхэр къэдгъэщIыну. Хьэкъыр зыщ – зэкIэлъыгъэкIуауэ дэ ипэкIэ докIуатэ, апщыгъуэми Къэрэшей-Черкесым и лъэкIыныгъэхэм я къэухьыр бгъуфIэ тщIыурэ», — социальнэ зэпыщIэныгъэхэм щитхащ КъЧР-м и лIыщхьэм.
Зыгъэхьэзырар АБИДОКЪУЭ Люсанэщ
Больше на Черкес хэку
Подпишитесь, чтобы получать последние записи по электронной почте.
