Хьэбэз къуажэ курыт еджапІэм зэІущІэ гъэщІэгъуэн щекІуэкІащ: СВО зауэлІ Жухэ Елдар Анзор и къуэм мы еджапІэм и еджакІуэхэр ІущІащ. Пэжыгъэ, щІыхь, икърар — ахэр ЕлдаркІэ псом нэхърэ нэхъапэщ.
ЗауэлІыр пІалъэ кІэщІкІэ и унагъуэ къихьэжауэ аращ. ЕджапІэм ирагъэблэгъэну зыкъыщыхуагъазэм, и гуапэу япэджэжащ икІи зэІущІэ гъэщІэгъуэн зэдрагъэкІуэкІащ. АтІэ, иІэщ Елдар ныбжьыщІэхэм яжриІэн, яхуиІуэтэжын хъыбархэр: и ныбжьэгъухэм, зауэ Іуэхухэм теухуауэ. Жухэ я щІалэр 1999 гъэм Хьэбэз къуажэм къыщыхъуащ. 2015 гъэм ехъулІэныгъэ пылъу къуажэ курыт еджапІэр къиухащ. 2015-2019 гъэхэм щеджащ технологическэ колледжым икІи зыІэригъэхьащ техник-къегъэлакІуэ ІэщІагъэр. 2019-2020 гъэхэм къулыкъу ищІащ. «Хэкур хъумэныр си гъуазэщ!»—иригушхуэу жеІэ Елдар икІи а псалъэхэр и гъащІэм, и псэукІэм я нагъыщэщ, хьэкъыпІэкІэ. СВО-м хэтыхункІэ ди лъэпкъэгъу щІалэм лІыгъэрэ хахуагъэрэ мызэ-мытІэу игъэлъэгъуащ икІи абыхэм яхуэфэщэн зауэлІ нагъыщэхэри къыхуагъэфэщащ. Апхуэдэщ «За отвагу», «За боевые отличия», «За разминирование», «За воинскую доблесть» медалхэр. КъинэмыщІауэ, щІыхь, фІыщІэ тхылъхэмкІэ куэдрэ къыхагъэщащ и къулыкъу пылъхьэншэр, и къалэн гъэзэщІэкІэ щапхъэгъэлъагъуэр. ШЫБЗЫХЪУЭ Ирэ
Больше на Черкес хэку
Подпишитесь, чтобы получать последние записи по электронной почте.
