УФ-м и Президент Путин Владимир и жэрдэм «Время героев» федеральнэ проектым и «Герои Карачаево-Черкесии» хэгъуэгу кадровэ программэр къызэІуихащ хэгъуэгум и Іэтащхьэ Темрезов Рэшид. Пэублэ лъэбакъуэ хъуащ СВО-м хэтахэм папщІэ кадр зэхьэзэхуэм телэжьэну жылагъуэ советым и зэІущІэр.
«Ди къэралыр щІыхь пылъу пыкъуэкІащ гъэунэхуныгъэ псоми. Урысей уардэр нобэ нэхъри къарууфІэрэ быдэрэ хъуащ. СВО-м зэришэлІащ къэралым и цІыхубэр. Урысейм и цІыхухэм лІыгъэ щагъэлъагъуэ фронтми, тылми. ДяпэкІи Урысейм и хэгъуэгу къэс, Къэрэшей-Черкесри абы яхэту, Хэкум и хьэлэмэтхэм я телъхьэ щыпкъэу щытынущ, мамыр гъащІэм хуэлэжьэнущ. Дэ ди зауэлІхэмрэ абыхэм я унагъуэхэмрэ щІэгъэкъуэн дахуэхъунущ. Зэхэуэхэм я ветеранхэм республикэм и гъащІэм я гуащІэшхуэ халъхьэ.
Апхуэдэщи, КъЧР-м и ЦIыхубэ ЗэIущIэм (Парламентым), «Защитники Отечества» фондым и хэгъуэгу къудамэм, щІыпІэ самоуправленэ къулыкъухэм, дэнэ дежи хэтщ СВО-м и зауэлІхэр. Шэч къытесхьэкъым, «Герои Карачаево-Черкесии» хэгъуэгу программэм лэжьэн щІидзэмэ, апхуэдэхэм я бжыгъэр нэхъри нэхъыбэ хъунущ», — жиІащ Темрезов Рэшид. АдэкІэ къызэрыхигъэщащи, и щхьэкІэ езым и нэІэм щІэтынущ программэр зэрыпхагъэкІыр. Унафэ щхьэхуэхэр къалэн яхуищІащ Правительствэм и тхьэмадэ Аргун Муратрэ республикэм и Іэтащхьэмрэ и Правительствэмрэ я Администрацэм и унафэщІ Уэз Муратрэ. Зэхьэзэхуэм хэтыным ехьэлІа щытыкІэхэм нэхъ тегъэчынауэ зыщывгъэгъуэзэфынущ «Герои Карачаево-Черкесии» республикэ кадровэ программэм и сайтым деж: https://geroikchr.ru/.
КъЧР-м и Iэтащхьэмрэ и Правительствэмрэ я пресс-къулыкъу
Больше на Черкес хэку
Подпишитесь, чтобы получать последние записи по электронной почте.
