Светлое жылагъуэм дэт курыт еджапIэм щеджэхэмрэ я егъэджакIуэхэмрэ зэщIыгъуу, унафэщIым и чэнджэщэгъур я пашэу, Хэкум и хъумакIуэхэу мамырыгъэмрэ зэпIэзэрытыныгъэмрэ и къызэгъэпэщакIуэ ди зауэлIхэм тхыгъэ гуапэхэр хуагъэхьэзыращ, я псалъэ хьэрэмыгъэншэхэмрэ хъуэхъухэмрэ хуатхкIэрэ.
Апхуэдэ IуэхуфIыр хэкупсагъэ гъэсэныгъэр зи лъабжьэ акцэм и зы Iыхьэщ. Абы и купщIэр — щIэблэщIэр и къэралым иригушхуэу, ирипагэу, Хэкум и хъумакIуэхэм я лIыгъэм пщIэ хуащIу, къагурыIуэу гъэсэнращ. Къыхэгъэщыпхъэщ еджакIуэхэм елIалIэу, тегъэчынауэ тхыгъэхэр зэрагъэхьэзырар, абыхэм зэпашэчащ ятх псалъэ къэс, абыхэм я мыхьэнэр, егугъуащ тхыгъэхэм щIагъужа сурэтхэр къэгъэщIыным. Тхыгъэхэм иратхащ зауэлIхэм гукIи-псэкIи зэращIыгъур, я ТекIуэныгъэмкIэ я фIэщхъуныгъэ быдэм теухуа псалъэхэр.
«Хэкупсагъэ гъэсэныгъэмрэ ди къэралым и хьэлэмэтхэр зыхъумэхэм хуаIэ лъагъуныгъэмрэ я щапхъэ наIуэщ ар. Ди сабийхэм зыхаубыдэ хъумакIуэ зауэлIым хуэщIыпхъэ фIыщIэри, я пщIэр зэрыIэтыпхъэри», — жиIащ Бостановэ Салимэ. Нэхъ къызэрыгуэкI псалъэхэри, ахэр гум къыбгъэдэкIыу щыщыткIэ, Хэкум и хъумакIуэхэм фIэщхъуныгъэрэ гугъэрэ яхэзылъхьэу, къэзыхъумэу зэрыщытыр нэхъри сабийхэм хьэкъ ящызыщI жэрдэм хьэлэмэтщ мы акцэри, абы хуэдэ дэтхэнэри.
ТУАРШЫ Ирэ
Больше на Черкес хэку
Подпишитесь, чтобы получать последние записи по электронной почте.
