Къэрэшей-Черкесым и Iэтащхьэ Темрезов Рэшид УФ-м и Президент Путин Владимир зауэ операцэ хэхам хэтхэмрэ абыхэм я унагъуэхэмрэ зэрызыщIагъакъуэ Iэмалхэм загъэубгъуным, ахэр егъэфIэкIуэным хуэгъэзауэ пщэрылъ ищIахэр зэрагъэзащIэм ирипсэлъэну и лэжьэгъухэм зэIущIэ ядригъэкIуэкIащ.
«Дзэм къулыкъу щызыщIэхэмрэ абыхэм я унагъуэхэм щыщхэмрэ защIэгъэкъуэныр, шэч хэмылъу, япэ игъэщыпхъэу къонэ. Къэрэшей-Черкесым хэгъуэгу мылъку, мысату дэIэпыкъуныгъэу 54-рэ щолажьэ. КъинэмыщIауэ, «Хэкум и хъумакIуэ хэр» Фондым и щIыналъэ къудамэм щIыгъуу унэтIыныгъэ зыбжанэкIэ долажьэ: медицинэм, социальнэ реабилитацэм, СВО-м и ветеранхэм я кадровэ интеграцэм, дзэм къулыкъу щызыщIэхэм я унагъуэхэм, фронтым защIэгъэкъуэным яхьэлIауэ», — МАКС-м щитхащ республикэм и Iэтащхьэм. Темрезов Рэшид фIыщIэ яхуищIащ властым щIыгъуу зэпымыууэ апхуэдэ лэжьыгъэ езыгъэкIуэкI жылагъуэ зэгухьэныгъэхэм, жэрдэмщIакIуэ гупхэм. ЗэIущIэм и кIэм ди хэгъуэгум и лIыщхьэм пщэрылъ пыухыкIахэри ищIащ. Ди корр
Больше на Черкес хэку
Подпишитесь, чтобы получать последние записи по электронной почте.
