«Яндекс. Переводчик» жыхуиIэм иджы урысыбзэкIэ тхар къэбэрдей-черкесыбзэкIи къэрэшей — балъкъэры-бзэкIи зэредзэкI. БзитIыр тыншу хэти къигъэщхьэпэф икIи къигъэIэрыхуэф хъун папщIэ, мы IэмалыфIыр, хэхауэ жытIэнщи — адыгэм Интернетым зэ-дзэкIыпIэ къыщыхуэгъэщIыным илъэс псокIэ гуащIэ ин ирахьэлIащ Къэрэ-шей-Черкесымрэ Къэбэрдей-Балъкъэ-рымрэ я унафэщIхэми, егъэджакIуэхэ-ми, жылагъуэ Iуэхузехьэхэми.
Мы проектыр ирагъэжьауэ щытащ Урысейм и лъэпкъхэм я Унэмрэ лъэпкъ IуэхухэмкIэ Федеральнэ агентствэмрэ я дэIэпыкъуныгъэкIэ. Цифровой зэдзэкIакIуэ зэхэгъэувэным хэлэжьыхьащ гумани-тар къэхутэныгъэхэмкIэ Къэрэшей-Черкес институтым и лэжьакIуэхэр, абыхэм жыджэру къащхьэпащ филологхэмрэ бзэхэр зыдж щIэныгъэлIхэмрэ.
«Ди щIыналъэр зэрыбей, зыми емыщхь зыщI бзэхэр: адыгэбзэмрэ къэрэшеибзэм-рэ хъумэнымрэ зайгъэужьынымрэкIэ тча лъэбакъуэ махуэу тлъытэ хъунущ сывдэгуэшэну сызыгъэпIащIэ гуфIэгъуэ хъыбарыр. «Яндекс Переводчик» сервисым нобэ щыщIэдзауэ хэтщ къэбэрдей-черкесыбзэмрэ къэрэшей-балъкъэрыбзэмрэ. А зэдзэкIакIуэм Iэмал къыует бзищэм щIигъум уи анэдэлъхубзэр ибгъэувэнуи, аргуэру къызэбдзэкIыжынуи.
ВжесIэну сыхуейщ абазэбзэмрэ нэгъуеи-бзэмрэ Яндексым игъэувэным зэрыхуэдгъэхьэзырри. Ди лъэпкъыбзэхэр «Яндекс Переводчик» щIыдэлъху сервисым хэт зэрыхъуам технологическэу зыужьыныгъэ хуабжь дигъэгъуэтынущ. Ар Iэмэпсымэ лъэщщ уи анэдэлъхубзэр бджынымкIэ, уи щэнхабзэ щIэиным щыгъуазэ зыхуэпщIынымкIэ икIи лъэхъэнэ зэхуэмыдэхэм халъхуа щIэблэхэм я зэпыщIэныгъэр гъэбыдэнымкIэ. Иджы дэ а бзитIымкIэ тлъэ-кIынущ зэхэтхынуи, деджэнуи, дытхэн-уи», — щитхащ МАХ каналым щиIэ напэ-кIуэцIым КъЧР-м и Iэтащхьэм.
Зыгъэхьэзырар ЛЫХЬ Тимурщ
Больше на Черкес хэку
Подпишитесь, чтобы получать последние записи по электронной почте.
