«Москва – Великий Устюг – Кострома» гъуэгумкIэ щIымахуэ зекIуэ щыIащ Къэрэшей-Черкесым щыщу зауэ операцэ хэхам хэтхэм я унагъуэхэмрэ зауэ Iуэхухэм я ветеранхэмрэ.
Ди хэгъуэгум и Iэтащхьэ Темрезов Рэшид и пщэрылъкIэ, СВО-м щыIэ нэрыбгищым я унагъуэ быныбэхэр, зэхэуэ гуащIэм хэкIуэда сэлэтым и унагъуэри яхэту, «Дыдейхэр хыфIэддзэкъым» социально-хэкупсэ проектым и фIыщIэкIэ, нэгузыужь ежьэну я насып къихьащ. Дауэдапщэр къызэрагъэпэщащ «Хэкум и хъумакIуэхэр» фондымрэ «РЖДТур» ООО-мрэ я дэIэпыкъуныгъэкIэ.
Гъатхэпэм и 3-5 махуэхэм къриубыдэу зекIуэм щыIа унагъуэхэм «ЩIымахуэ псысэ» программэм яфIэгъэщIэгъуэну хэтащ, Москваи, Великий Устюги, Костромаи къызэхакIухьащ. КъЧР-м гуащIэдэкIымрэ социальнэ зыужьыныгъэмрэкIэ и Министерствэмрэ «Куда едем?» зи фIэщыгъэцIэ турист фирмэмрэ я пщэ илъащ Черкесск икIыу Москва кIуэ-къэкIуэж транспорт тынш къызэгъэпэщыныр, унагъуэхэм ялъэгъуамрэ здэ щыIамрэ гуимыхуж зэращыхъунум икIи щIэ гуэр къызэращIэфынум хуэдэу. Мы ежьэгъуэр щапхъэфI ирокъу къулыкъущIэхэм я унагъуэхэмрэ зауэ Iуэхухэм я ветеранхэмрэ гулъытэ нэс зэрырагъэгъуэтымкIэ. Зэгъусэу къэрал унафэщI къулыкъухэм, «Хэкум и хъумакIуэхэр» фондымрэ мыкъэрал организацэхэмрэ ирагъэкIуэкIа мы лэжьыгъэм адэкIи пащэнущ.
Больше на Черкес хэку
Подпишитесь, чтобы получать последние записи по электронной почте.
