Къэрэшей-Черкесым и Iэтащхьэ Темрезов Рэшидрэ республикэм мэкъумэш хъызмэтымкIэ и министр Биджиев Умаррэ зэIущIащ.
Ахэр тепсэлъыхьащ республикэм и агропромышленнэ комплексым, мелиоративнэ инфраструктурэм, къэрал ветеринар къулыкъум зегъэужьыным, «Комплексное развитие сельских территорий» къэрал программэр гъэзэщIэным. «Ди къэралым адэкIи зегъэужьын папщIэ УФ-м и Президентым игъэбелджыла къалэнышхуэхэр нобэ ди хэгъуэгум къытпэщылъщ,
псом хуэмыдэу республикэм и агропромышленнэ комплексым ехьэлIауэ. Апхуэдэщ: АПК-м къыщIигъэкI продукцэр егъэхъуныр, мэкъумэш хъызмэтым елэжь цIыхухэр къызэгъэпэщыныр, ди щIыналъэм къыщыщIагъэкI продукцэр нэгъуэщI щIыпIэхэм ягъэшэныр», — жиIащ Темрезов Рэшид.
Ар къытеувыIащ ветеринар къулыкъум зегъэужьыным зэгъэуIуауэ бгъэдыхьэн зэрыхуейм. ЖиIащ къулыкъум и материально-техническэ бэзыр гъэбыдэн, станцыр егъэфIэкIуэн, уз зэрыцIалэ шынагъуэхэм пэщIэт хущхъуэхэр Iэщым яхэлъхьэн зэрыхуейр, нэгъуэщIхэри.
КъинэмыщIауэ, лъэныкъуитIыр тепсэлъыхьащ гъавэ хэлъхьэгъуэм зэрыхуэхьэзырым, Iуэхур зэрыкIуатэм.
Биджиевым жиIащ зэрагъэувам тету республикэм и муниципальнэ районхэм вэн-сэн лэжьыгъэхэр зэрыщекIуэкIыр, ахэр щIы гъэпшэрым къыщыщIэдзауэ техникэм щыщIэкIыжу зэрызэтегъэпсыхьар.
КъЧР-м и Iэтащхьэмрэ и Правительствэмрэ я пресс-къулыкъу
Больше на Черкес хэку
Подпишитесь, чтобы получать последние записи по электронной почте.
