УФ-м и Правительствэм щІигъэбыдащ унагъуэ, демографие политикэр. Ар зытеухуар унагъуэ быныбэхэм защІэгъэкъуэнращ. Дэфтэрыр пІалъэ кІыхькІэ лэжьэнущ, 2036 гъэри къызэщІиубыдэу, икІи ар хуэунэтІауэ щытынущ анэ-адэм защІэгъэкъуэным, сабий нэхъыбэ къэхъуным унагъуэхэр тегъэгушхуэным, бзылъхугъэм и узыншагъэр егъэ-фІэкІуэным, сабийм и зыужьыныгъэмкІэ щытыкІэфІхэр къызэгъэпэщыным. Стратегием и Іыхьэ нэхъыщхьэ хъунущ «Семья» лъэпкъ проектыр.
УФ-м и Президент Путин Владимир игъэнэІуащ: «Демографие щытыкІэр егъэфІэкІуэныр, сабий нэхъыбэ къэхъуныр, унагъуэ быныбэхэм защІэгъэкъуэныр, урысей унагъуэхэм я псэукІэр егъэфІэкІуэныр — лъэпкъпсо къалэн пажэщ». «Къэралым и пашэм и унафэр гъэзэщІэным пэджэжу, КъЧР-м 2025 гъэр демографиер къэІэтыным, гъащІэ кІыхьым, сабий нэхъыбэ къэхъуным я Илъэсу дгъэуващ. Зыщыдгъэгъупщэ хъунукъым: сабийхэр ди къэкІуэнщ, ар зыхуэдэ хъунур нобэ дэ ди ІуэхущІафэщ зэлъытар», — къыхигъэщащ Темрезов Рэшид.
Больше на Черкес хэку
Подпишитесь, чтобы получать последние записи по электронной почте.
