ТекIуэныгъэ Иным и илъэс 80-р гъэлъэпIэным хуэкIуэу къалэ-лIыхъужь Волгоград зыщаплъыхьыну ягъэкIуэнущ Къэрэшей-Черкес Республикэм и еджакIуэ 300-м нэс. Абыхэм къыхузэрагъэпэщ щэнхабзэ-щIэныгъэ мыхьэнэ зиIэ нэгузыужь щхьэхуэ. ЗекIуэм хэтыну еджакIуэхэр къыхахащ «Есть такая профессия Родину защищать!» къыхуеджэныгъэм щIэту республикэм щекIуэкIа зыхъумэжыныгъэ-цIыхубэ Iуэхухэм, щIалэгъуалэр хэкупсэу, спортым пыщIауэ къэгъэтэджынымкIэ мазэ лэжьыгъэм нэхъ жыджэру хэтахэр.
«ЩIэныгъэ егъэгъуэтыным хуэунэтIа мыпхуэдэ нэгузыужьыр ди щIалэгъуалэ жыджэрым, зызыужьхэм папщIэ къызэгъэпэщынымкIэ унафэ къэсхьащ, ди ХэкушхуэмкIэ, абы и лIыхъужьхэмкIэ пагагъэу щыIэр зыхазгъэщIэн, а тхыдэ щIэиныр хъумэныр дэтхэнэми зэрелъытар къагурыIуэн папщIэ. Япэм Сталинграду щыта Волгоград къалэм и гъунапкъэм Хэку зауэшхуэм и нэхъ лъыгъажэ зауэ гуащIэр щекIуэкIауэ щытащ.
Мыхьэнэшхуэ зиIэ Мамаев курган, «Сталинградская битва» теплъэ-музейр, Павлов и Унэр, ХэкIуэда бэнакIуэхэм я Утыкур, нэгъуэщI щIыпIэхэр абдеж щалъэгъуа нэужь, си фIэщ мэхъу, ди еджакIуэхэм ар ягу къызэринэнур, икIи ди Хэку уардэм и тхыдэм нэхъ куууэ хэгъуэзэнымкIэ, къагурыIуэнымкIэ къазэрыщхьэпэнур», — щетх и телеграмканалым КъЧР-м и Iэтащхьэм.
Больше на Черкес хэку
Подпишитесь, чтобы получать последние записи по электронной почте.
