Зи № 1602-рэ зауэ клиническэ сымаджэщыр илъэс 85-рэ зэрырикъуам и щIыхькIэ, УФ-м и Федеральнэ ЗэIущIэм ФедерацэмкIэ и Советым зыхъумэжыныгъэмрэ шынагъуэншагъэмрэкIэ и Комитетым хэт, КъЧР-м и сенатор Къэзэнокъуэ Кърым Тэн-Iут-Ростов щыIащ, медицинэ IуэхущIапIэм гуфIэгъуэ IуэхукIэ еблэгъащ.
Комитетым къыбгъэдэкIыу сенаторым хъуэхъукIэ захуигъэзащ зауэ сымаджэщым и унафэщIхэмрэ медицинэ IуэхущIапIэм щылажьэхэмрэ. Зауэ сымаджэщым и унафэщI, медицинэ къулыкъум и полковник Кокоев Валерий хуигъэфэщащ ФС-м и Комитетым и тхьэмадэ Булавин Владимир къыбгъэдэкIа хъуэхъу псалъэхэр, апхуэдэуи, УФ-м и Федеральнэ ЗэIущIэм ФедерацэмкIэ и Советым зыхъумэжыныгъэмрэ шынагъуэншагъэмрэкIэ и Комитетым и ФIыщIэ тхылъыр. Дэфтэрым къыщыгъэлъэгъуащ лэжьакIуэ гупым ябгъэдэлъ IэщIагъэ IэпщIэлъапщIагъым пщIэшхуэ зэрыхуащIыр, къулыкъущIэхэм — СВО-м хэтхэм медицинэ дэIэпыкъуныгъэ ягъэгъуэтынымкIэ абыхэм ягъэтIылъ псэемыблэж гуащIэр, хэлъхьэныгъэ иныр.
Сенаторым апхуэдэуи зи юбилей ма хуэщIыр зыгъэлъапIэ зауэ сымаджэщым щылажьэхэмрэ и унафэщIхэмрэ хъуэхъу гуапэхэр яхуигъэфэщащ КъЧР-м и Iэтащхьэ Темрезов Рэшид къыбгъэдэкIауэ икIи сымаджэщым къепха тхьэунэм «Лик Христа нерукотворный» тхьэнапэр тыгъэ яхуищIащ. ПсапащIэ дэIэпыкъуныгъэ и лъэныкъуэкIэ сымаджэщым хуашащ псы къабзэ, зыхуэныкъуэ оргтехникэр.
Сымаджэщым щIэлъу къызэIэзэ зауэлIхэри саугъэтхэмкIэ ягъэгуфIащ. «Мы зэманым къызэрымыкIуэу мыхьэнэ хэха иIэщ ди къэралым и хьэлэмэтхэр зыхъумэхэм дакъуэтыным, къулыкъущIэхэм я узыншагъэр зэтезыгъэувэжхэм, я гъащIэр къезыгъэлхэм защIэдгъэкъуэным. Зауэ медикхэм къыпхуэмылъытэн лэжьыгъэ ирагъэкIуэкI, апщыгъуэми я IэщIагъэ IэпщIэлъапщIагъ ин халъхьэу. Ди къалэныр — медицинэм и лэжьакIуэхэм дадэIэпыкъуныр, абыхэм я лэжьыгъэр фIагъ хэлъу ягъэзэщIэн папщIэ, зыхуэныкъуэ, нэхъыфI Iэмалхэмрэ щытыкIэхэмрэ къызэдгъэпэщыныр, къулыкъущIэхэм я узыншагъэр зэтеувэжынымкIэ сэбэп дыхъунращ», — къыхигъэщащ и къэпсэлъэныгъэм сенаторым.
Зыгъэхьэзырар АБИДОКЪУЭ Люсанэщ
Больше на Черкес хэку
Подпишитесь, чтобы получать последние записи по электронной почте.
