Къэрэшей-Черкесым и Iэтащхьэ Темрезов Рэшид республикэм щыпсэухэм къахъуэхъуащ Сталинград зэхэуэм нэмыцэ-фашистыдзэхэр зэрызэхакъутэрэ илъэс 82-рэ зэрырикъуамкIэ.
«Нобэ догъэлъапIэ Урысейм и зауэлI щIыхьым и Махуэр — Сталинград зэхэуэм нэмыцэ-фашистыдзэхэр зэрызэхакъутэрэ илъэс 82-рэ зэрырикъуар. Хэку зауэшхуэм и тхыдэм и къэхъугъэ нэхъыщхьэ дыдэхэм ящыщ зыр нацизмым драгъэкIуэкI бэнэныгъэм и зэпыгъэзапIэ хъуащ. Дунейпсо тхыдэм и лъыгъажэ нэхъ инрэ кIыхьрэу щыта Сталин град зэхэуэр екIуэкIащ махуэ 200-рэ жэщ 200-кIэ. А текIуэныгъэр зыIэрагъыхьэн икIи къэралым и къэкIуэнур куэдымкIэ зэрахъуэкIын папщIэ, совет сэлэтхэм къагъэлъэгъуащ лIыгъэ къызэрымыкIуэрэ быдагъэрэ.
Индыл быдапIэр — Сталинград къалэ – лIыхъужьыр гугъапIэмрэ текIуэныгъэмрэ я нагъыщэ хъуащ. Абы зэрыдунейуэ тригъэгушхуащ фашизмэм бэнэныгъэ дригъэкIуэкIыным икIи бийм хьэкъыпIэкIэ иригъэцIыхуащ — ар ди къэралым къытекIуэнукъым! ЛеймкIэ нобэ ТекIуэныгъэ Иным и Илъэс-80-р зэрагъэлъапIэм и нагъыщэ нэхъыщхьэ хъуакъым Мамаев Iуащхьэм тет «Родина-мать зовет!» скульптурэр. Дэ нобэ дигу къыдогъэкIыж зи гъащIэр ди хуитыныгъэмрэ ди къэкIуэну мамырымрэ щIэзытахэр. Зэхэуэ нэхъ ткIий дыдэхэр здекIуэкIа Мамаев Iуащхьэм ныбжьырей гуимыкIыж щащIащ Къэрэшей-Черкесым щыщу Сталинград зэхэуэхэм зи щхьэр щызыгъэтIылъа ди хэкуэгъухэм я фэеплъыр. Ди хэкуэгъуи 147-м къыхуагъэфэщащ «За оборону Сталинграда» медалыр. Абыхэм я лIыхъужьыгъэр игъащIэкIи дигу къинэнущ икIи къытщIэхъуэ щIэблэхэмкIэ щытынущ хэкупсагъэмрэ хахуагъэмрэ я щапхъэу», — итщ Къэрэшей-Черкесым и Iэтащхьэ Темрезов Рэшид къыбгъэдэкIа хъуэхъум.
Больше на Черкес хэку
Подпишитесь, чтобы получать последние записи по электронной почте.
