Социальнэ къалэнхэр гъэзэщIэным

 Москва къалэм щызэIущIащ УФ-м гуащІэдэкІымрэ социальнэ хъумэныгъэмрэкІэ и министр Котяков Антонрэ КъЧР-м и Іэтащхьэ Темрезов Рэшидрэ.

 Лъэныкъуэхэр тепсэлъыхьащ Къэрэшей-Черкесым щыпсэухэм социальнэу за­щІэгъэкъуэным. Абы ипкъ иткІэрэ — хэгъуэгум щызекІуэ социальнэ политикэ купщІафІэм телажьэкІэрэ, СВО-м хэтхэмрэ абыхэм я унагъуэхэмрэ, сабий куэд зиІэ бынунагъуэхэм, гъа­щІэм щытыкІэ хьэлъэм иригъэувахэм, къэрал дэІэпы­къуныгъэ щхьэхуэ хуэны­къуэхэм гулъытэ хэха ягъэгъуэтыным ирипсэлъащ.

Темрезов Рэшид феде­ральнэ министрыр щигъэгъуэзащ хэгъуэгум и соци­альнэ зыужьыныгъэм. Къы-хигъэщащ лъэпкъ проект­хэмрэ хэгъуэгу програм­мэхэмрэ тету ирагъэкІуэкІ лэжьыгъэ купщІафІэр. Апхуэдэщи, УФ-м и Президентым и дэІэпыкъуныгъэм и фІыщІэкІэ, республикэм Іуэху куэд щызэфІах сабий зэрыс унагъуэхэм, СВО-м щыІэхэм я унагъуэхэм я гъащІэр, псэукІэр егъэфІэкІуэным хуэунэтІауэ.

«Мы гъэр демографие щытыкІэр егъэфІэкІуэным, сабий бжыгъэу къэхъум хэгъэхъуэнымрэ гъащІэ кІы­хьымрэ я Илъэсу Къэрэшей-Черкесым зэрыщыд­гъэувам ипкъ иту лэжьыгъэр нэхъри щІэдгъэхуэбжьащ, щыІэххэ дэІэпыкъуныгъэ, щІэгъэкъуэныгъэ Іэмалхэм иджыри зыбжанэ щІыд­гъужащ. Ди къалэн пажэр — быныбэ унагъуэ, ди зауэлІ къэс и унагъуэм ди дэІэ­пыкъуныгъэр янэдгъэсын­ращ», — жиІащ Темрезов Рэшид.

ЗэІущІэм къриубыдэу   иджыри зы упщІэ купщІа­фІэ къаІэтащ. Ар зытеухуар ТекІуэныгъэм и Илъэс 80-м хуэкІуэу Хэку зауэшхуэм хэтахэм социальнэ дэІэпы­къуныгъэ ягъэгъуэтынращ.

 Абы и лъэныкъуэкІэ рес-публикэм щекІуэкІ лэжьыгъэм министрыр щигъэ-гъуэзащ ди хэгъуэгум и Іэтащхьэм. Апхуэдэ дэІэпыкъуныгъэщ Хэку зауэшхуэм  хэтахэм, зауэм ныкъуэды­къуагъ хэзыхахэм, апхуэдэхэм къащІэна фызабэхэм, блокадэм ита Ленинград щыпсэуахэм, фашист конц-лагерхэм исахэм, тылым щылэжьахэм зэ тыгъуэу ира­тыну ахъшэр. Абы къинэ­мыщІауэ — псэупІэ-коммунальнэ хуэІухуэщІэ уасэхэр хуатыныр.

Темрезов Рэшид министрым лъэІукІэ зыхуигъэзащ: республикэм психоневро­логическэ диспансер щау­хуэнымкІэ, дэІэпыкъуныгъэ хуэныкъуэхэм пІалъэ кІыхькІэ ящІыгъунымкІэ щытыкІэхэр къызэгъэпэщыным хуэгъэзауэ къадэІэпы­къуну.

Ди республикэм и лiы­щхьэм Котляров Антони, и лэжьэгъухэми фІыщІэ яхуи­щІащ я зэдэлэжьэныгъэ куп­щІафІэм, финанс гулъытэ ену республикэм къызэрыхуа­щІым, абы и фІыщІэкІэ къэрал къалэн пажэхэр ягъэ­зэщІэнымкІэ лъэкІыныгъэ къызэрыратым, а псоми къапэкІуэу — Къэрэшей-Черкес Республикэм щыпсэухэр со-циальнэу хъума зэрыхъум папщІэ.


Больше на Черкес хэку

Подпишитесь, чтобы получать последние записи по электронной почте.

Добавить комментарий

Ваш адрес email не будет опубликован. Обязательные поля помечены *