Хэку зауэшхуэм и ветераниплIым «Почетный житель Карачаево-Черкесской Республики» щIыхьыцIэ лъагэхэр, бгъэхэIухэр хуагъэфэщащ. Ахэр: Зорин Виталий Гаврилович, Нарожная Наталье Федоровнэ, Смородин Федор Владимирович, Ермаков Владимир Илларионович сымэщ. Апхуэдэ унафэм Iэпэ щIидзащ Къэрэшей-Черкес Республикэм и Iэтащхьэ Темрезов Рэшид.
Зорин Виталий Гаврилович и щIыхь нагъыщэр ветераным IэщIэзылъхьар Темрезов Рэшидщ. «Почетный житель Карачаево-Черкесской Республики» щIыхьыцIэм къыдэкIуэу, ветераным хуигъэфэщащ «80 лет Победы в Великой Оте- чественной войне 1941–1945 годов» юбилей медалри.
Нарожная Наталье Федоровнэ иджыкIэ зыщыпсэур Краснодар крайращ икIи абы хуеблэгъащ КъЧР-м и Iэтащхьэмрэ и Правительствэмрэ я Администрацэм и УнафэщIым и къуэдзэ Хубиев Марат икIи ветераным и щIыхь нагъыщэхэр IэщIилъхьэжащ.
Смородин Федор Владимирович щагъэлъэпIащ Усть-Жэгуэтэ районым. Ветераным хуеблэгъащ КъЧР-м гуащIэдэкIымрэ социальнэ зыужьыныгъэмрэкIэ и министр Хачиров Кемалрэ район администрацэм и Iэтащхьэ Лайпанов Муратрэ. Ветераным хуагъэфэщащ «Почетный житель Усть-Джегутинского района» щIыхьыцIэ лъагэр.
КъыкIэлъыкIуэ ветераныр — Ермаков Владимир Илларионович «Почетный житель Карачаево-Черкесской Республики» щIыхьыцIэр, абы хуэфащэ нагъыщэр щыIэщIалъхьащ Зеленчук районым. Абы и Iэтащхьэ пщэрылъхэр зыгъэзащIэ Брыкинэ Маринэрэ Исправнэ къуажэ администрацэм и унафэщI Березовский Александррэ фIыщIэ псалъэхэмкIэ зыхуагъэзащ пщIэшхуэ зиIэ ветераным, икIи и цIэр ираIуащ «Почетный гражданин Зеленчукского района» щIыхьыцIэмкIэ.
Ветерану хъуам хуагъэфэщащ «Почетный житель Карачаево-Черкесской Республики» щIыхь бгъэхэIур икIи хэгъуэгум къыбгъэдэкIыу зэ тыгъуэу сом мин 300 иратащ. Гу зылъытапхъэщи, муниципальнэ щIыхьыцIэхэмкIэ къыхагъэщынущ Хэку зауэшхуэм и ветерану хъуар.
Больше на Черкес хэку
Подпишитесь, чтобы получать последние записи по электронной почте.
